Тошкент шаҳридаги Кичик ҳалқа автомобиль йўлининг Тахтапул дарвоза кўчаси кесишмасидан Ифтихор кўчаси кесишмасигача бўлган қисми автомашиналар ҳаракати учун ёпилади. Бу ҳақда пойтахт ҳокимлиги матбуот хизмати хабар берди.
Маълум қилинишича, бунга Шайхонтоҳур ва Юнусобод туманларида амалга оширилаётган қурилиш-монтаж ишлари сабаб бўлади.
Шу боис кўчанинг бир қисми 28 апрель соат 22:00 дан 29 апрель соат 22:00 гача транспорт воситалари ҳаракати учун вақтинча ёпилади.
Белгиланган муддат давомида ҳаракатланиш учун муқобил йўллардан фойдаланиш тавсия этилмоқда.
Пойтахтда автомашиналар ҳаракати чекланган кўчалар
Ўзбекистон овози кўчасининг Шастри кўчаси билан кесишмасидан Яҳё Ғуломов кўчасига қадар қисми 30 апрелгача автомашиналар ҳаракати учун ёпилиши ёпилган. Юнусобод туманининг Асомов кўчаси (КҲАЙ)даги йўлнинг бир йўлаги 10 апрелдан 6 майгача ёпилган. CAEX кўргазма мажмуасидан Янги Ўзбекистон боғи киришигача бўлган йўл 13 апрелдан 1 сентябргача транспорт воситалари ҳаракати учун чекланган. Тошкент шаҳрининг Олмазор туманидаги Қорасарой кўчасининг Абдулла Қодирий кўчаси билан кесишган жойдан Нурафшон кўчаси билан кесишган жойгача қисми сентябргача ёпилган. Шунингдек, Тошкентда гуллар фестивали сабаб айрим кўчалар 5 кунга ёпилади.
Изоҳ (0)