Футбол бўйича Англия Премьер Лигасининг 5-туридан ўрин олган бир қатор учрашувлар 19 сентябрь, якшанба куни бўлиб ўтди.
Турнинг марказий учрашуви «Тоттенҳэм» ва «Челси» жамоалари ўртасида кечди. Учрашувнинг биринчи бўлимида ҳисоб очилмади. Иккинчи бўлим дебютида Тиаго Сильва меҳмонларни олдинга олиб чиқди. 57-дақиқада Нголо Кантенинг зарбасидан кейин ўз йўналишини ўзгартирган тўп «шпорлар» дарвозасидан жой олди.
Ҳакам томонидан қўшиб берилган вақтда Антонио Рюдигер ҳисобни йирик кўринишга келтирди.
«Манчестер Юнайтед» жамоаси «Вест Ҳэм» майдонида меҳмон бўлди. 30-дақиқада Муҳаммад Саид Бенраҳма меҳмонлар дарвозасини ишғол қилди. Бунга «Юнайтед» биринчи бўлимда Криштиану Роналдунинг голи билан жавоб қайтарди.
Иккинчи бўлим якунланиши арафасида Жесси Лингард манкунианларнинг иккинчи голини урди. Ҳакам томонидан қўшиб берилган дақиқаларда лондонликлар пенальтини голга айлантира олмади. Ноблнинг зарбасини Давид де Хеа бартараф этди.
Шу тариқа «Челси», «Ливерпуль» ва «Манчестер Юнайтед» 13 очкодан жамғарган ҳолда дастлабки учта ўринни эгаллаб турибди.
АПЛ
5-тур баҳслари
19 сентябрь, якшанба
«Тоттенҳэм» — «Челси» 0:3
Голлар: 0:1 – 49 Тиаго Сильва, 0:2 – 57 Канте, 0:3 – 90+3 Рюдигер.«Тоттенҳэм»: Льорис, Эмерсон, Дайер, Ромеро (Санчес, 83), Регилон, Ҳёйбьерг, Алли, Ло Чельсо (Хил, 62), Ндомбеле (Скипп, 62), Сон Ҳён Мин, Кейн.
«Челси»: Аррисабалага, Аспиликуэта, Тиаго Сильва, Рюдигер, Кристенсен, Алонсо, Ковачич, Жоржиньо, Маунт (Канте, 46), Ҳаверц (Вернер, 70), Лукаку.
Огоҳлантириш: Вернер (80).
«Вест Ҳэм» — «Манчестер Юнайтед» 1:2
Голлар: 1:0 – 30 Бенраҳма, 1:1 – 35 Роналду, 1:2 – 89 Лингард.«Вест Ҳэм»: Фабианьски, Соуфал, Огбонна, Зума, Крессуэлл, Форнальс, Влашич (Ярмоленко, 68), Соучек, Райс, Бенраҳма (Лансини, 88), Боуэн (Нобл, 90+4).
«Манчестер Юнайтед»: Де Хеа, Уан-Биссака, Варан, Магуайр, Шоу, Погба (Лингард, 73), Фред (Матич, 88), Бруну Фернандеш, Мактоминей, Роналду, Гринвуд (Санчо, 73).
Изоҳ (0)