Футбол бўйича Англия чемпионати якунланишига 9 тур қолди. Opta нашри чемпионликни қайси жамоа қўлга киритиши борасида ўз тахминларини эълон қилди. Бу ҳақида манбага таяниб Championat нашри хабар берди.
Сунъий интеллект ҳисоб-китобларига кўра, “Ливерпуль” деярли чемпион – Арне Слот жамоасининг ғолиб бўлиш эҳтимоли 99,4% деб баҳоланмоқда. 2-поғонадаги “Арсенал”нинг имконияти эса бор-йўғи 0,6%. Бошқа жамоалар эса чемпионлик пойгасидан деярли чиқиб бўлган.
Суперкомпьютер тахминларига кўра, кучли бешлик қуйидагича кўриниш олади:
- “Ливерпуль”
- “Арсенал”
- “Манчестер Сити”
- “Ноттенгем Форест”
- “Челси”
Шунингдек, “Тоттенҳэм” 14, “Манчестер Юнайтед” 15-ўринни эгаллаши мумкинлиги хабар қилинган.
Ҳозирда “Ливерпуль” 29-турдан кейин 70 очко билан мусобақа жадвалида пешқадам бўлиб турибди. “Арсенал” 28 ўйинда 55 очко тўплаган ҳолда иккинчи ўринда бормоқда.
Изоҳ (0)