Англиянинг “Ливерпуль” клуби мисрлик ҳужумчи Муҳаммад Салоҳ билан шартномани яна икки йилга узайтирди. Клуб бу ҳақда ўзининг ижтимоий тармоқдаги расмий саҳифалари орқали маълум қилди.
Муҳаммад Салоҳ “Ливерпуль” билан шартномани узайтириш қарорини қуйидагича изоҳлади:
Мен бу ерда фаолиятимдаги энг яхши йилларни ўтказдим. Ҳаётимдан, ўйинимдан лаззат оляпман. Оилам ҳам бу ерда ўзини уйидагидек ҳис қилади. Ҳар сафар “Энфилд”да ўйнаганимда ўзимни бошқача ҳис қиламан. Мухлисларнинг ўйиндан аввал куйлайдиган қўшиғи, ҳиссиётлар — барчаси ажойиб. Бу каби атмосферани бошқа жойдан топиш қийин. Тарих давом этади.
Маълумот учун, 2017 йилда “Ливерпуль” сафига қўшилган Салоҳ ушбу давр мобайнида жамоа билан Англия чемпионлиги, Чемпионлар Лигаси, Англия Кубоги, ва Клублар ўртасидаги Жаҳон чемпионатида ғолибликни қўлга киритди.
Жорий мавсум футболчи барча мусобақаларда 43 та ўйинда майдонга тушиб, ўз ҳисобига 32 та гол ва 22 та голли узатмани ёздириб қўйган. Transfermarkt портали Салоҳнинг қийматини 55 миллион еврога баҳолаган.
Изоҳ (0)