“Манчестер Юнайтед” устози: “Асосий мақсадимиз АПЛда чемпион бўлиш”

“Манчестер Юнайтед” бош мураббийи Рубен Аморим Лига кубоги чорак финалида Лондоннинг “Тоттенҳэм”ига қарши ўйиндаги мағлубиятдан сўнг “қизил иблислар”нинг келажакдаги асосий мақсадини айтди.

“Мен аллақачон эртанги кун ҳақида ўйлаяпман ва ҳозир ҳеч нарса ҳис қилмаяпман. Эртага кўп нарсаларни айтишим мумкин бўлади. Бу кечани фикрлаш ва хулосалар қилиш учун фойдаланишимиз керак. Кубокни ютиш ҳаммаси яхши эканини англатмайди. Бу — узоқ йўл. Бизнинг мақсадимиз – Премьер Лигада ғалаба қозониш. Бу учун қанча вақт керак бўлишини билмайман”, дея Скй Спорц Аморимнинг сўзларини келтирди.

Маълумот учун, кеча 19 декабрь куни бўлиб ўтган учрашувда “Манчестер Юнайтед” “Тоттенҳэм”га 4:3 ҳисобида мағлуб бўлди.

Навбатдаги учрашувда “Манчестер Юнайтед” АПЛ доирасида “Борнмут”га қарши майдонга тушади.

Шундай қилиб кубок ярим финали йўлланмасини “Арсенал”, “Ливерпуль” ва “Ньюкасл” ва “Тотенҳем” клублари қўлга киритди.

Англия Лига Кубоги

1/4 финал

19 декабрь, пайшанба

“Тоттенҳэм” — “Манчестер Юнайтед” 4:3

Голлар: 1:0 — Соланке (15), 2:0 — Кулусевски (47), 3:0 — Соланке (54), 3:1 — Зиркзе (63), 3:2 —Диалло (75), 4:2 — Сон (88), 4:3 — Эванс (90+5).

“Тоттенҳэм”: Форстер, Спенс (Регилон, 90+1), Дрегушин, Порро, Грэй, Биссума, Сарр, Мэддисон (Бергвалл, 79), Кулусевски, Сон, Соланке (Жонсон, 90).

“Манчестер Юнайтед”: Байиндир, Мартинес, Линдельоф (Эванс, 45), Йоро, Фернандеш, Антони (Диалло, 55), Далот, Мазрауи, Угарте (Гарначо, 70), Эриксен (Майну, 56), Ҳойлунд (Зиркзе, 56).

Огоҳлантиришлар: Сарр (23), Мазрауи (25), Мэддисон (78), Байиндир (88), Фернандеш (90+1), Бергвалл (90+8).