Сўнгги ойларда Винисиус Жуниорнинг келажаги борасида турли миш-мишлар тарқалди. Саудия Арабистонининг йирик молиявий таклифи бразилиялик юлдузни “Реал Мадрид”дан олиб кетиши мумкин эди. Бироқ Defensa Central нашри хабарига кўра, Винисиус “қаймоқранглилар” билан шартномасини узайтиришга яқин турибди.
Натижада, “Ан-Насср” клуби бу ёзги трансферлар ойнасида бошқа футболчига — “Ливерпуль” аъзоси Луис Диасга эътибор қаратадиган бўлди. 28 ёшли колумбиялик футболчининг клуб билан амалдаги шартномаси 2027 йил 30 июнгача мўлжалланган. Transfermarkt маълумотига кўра, унинг қиймати 85 миллион еврога баҳоланмоқда.
“Ан-Насср” Винисиусга футбол тарихдаги энг катта шартномалардан бирини таклиф этмоқчи эди. Бироқ футболчи: “Реал”да тарих яратмоқчиман. Бу ерда кўп йиллар ўйнашни хоҳлайман, дея жавоб берди.
Энди риёдликлар бор эътиборини Луис Диасга қаратган. Ёзги трансфер мавсуми олдидан колумбиялик футболчининг танлови футбол жамоатчилигида катта қизиқиш уйғотмоқда. Пул унинг қарорига таъсир қиладими ёки йўқ, буни вақт кўрсатади.
Изоҳ (0)