АПЛ. Лондон дербисида «Вест Ҳэм» «Челси»га қарши, «Арсенал» Ливерпулда меҳмон бўлади, Ралф Рангник «Манчестер Юнайтед»да дебют қилади
«Вест Ҳэм» — «Челси», 4 декабрь, 17:30
«Вест Ҳэм» ортда қолган 14 турдан сўнг АПЛ жадвалида 24 очко билан 4-ўринда жойлашган. Ноябрь ойи бошида Дэвид Моес шогирдлари «Ливерпуль» устидан 3:2 ҳисобида ғалаба қозонди. Шундан сўнг «Вулверҳэмптон» ва «Манчестер Сити»га мағлуб бўлди. Декабрь эса «Брайтон»га қарши дуранг натижа билан бошланди. «Вест Ҳэм» АПЛ доирасидаги уй ўйинларида мунтазам равишда гол ўтказиб юбормоқда. Фақатгина «Тоттенҳэм»га қарши 9-турда 1:0 ҳисобида ғалаба қозониб, ўз дарвозаси дахлсизлигини сақлаб қолди.
«Челси» Англия Премьер Лигаси етакчиси. «Кўклар» ҳисобида 14 турдан сўнг 33 очко мавжуд. Ҳафта ўртасида бўлиб ўтган охирги турда «Челси» «Уотфорд» устидан 2:1 ҳисобида қийин ғалабага эришди. Томас Тухель шогирдларининг мағлубиятсиз серияси 12 та ўйинга етди (9 та ғалаба ва 3 та дуранг). Жамоа охирги марта 29 сентябрь куни Чемпионлар Лигасида «Ювентус»га қарши ўйинда 0:1 ҳисобида мағлуб бўлган эди.
Қолган учрашувлар:
4 декабрь, шанба
«Ньюкасл» — «Бёрнли», 20:00
«Саутҳэмптон» — «Брайтон», 20:00
«Вулверҳэмптон» — «Ливерпуль», 20:00
«Уотфорд» — «Манчестер Сити», 22:30
5 декабрь, якшанба
«Лидс» — «Брентфорд», 19:00
«Манчестер Юнайтед» — «Кристал Пэлас», 19:00
«Тоттенҳэм» — «Норвич», 19:00
«Астон Вилла» — «Лестер», 21:30
6 декабрь, душанба
«Эвертон» — «Арсенал», 01:00
Ла Лига. «Барселона» «Бетис»ни синовдан ўтказади, турнинг марказий учрашувида «Реал Мадрид» «Реал Сосьедад»га қарши баҳс олиб боради
«Барселона» — «Бетис», 4 декабрь, 20:15
«Барселона» Ла Лига мусобақа жадвалида 23 очко билан 7-ўринда бормоқда. Охирги турда каталонияликлар «Вильярреал» устидан 3:1 ҳисобида ғалаба қозонди. Ҳозирча Хави жамоага ўз услубини сингдиришда давом этяпти, испаниялик мутахассис қўл остида «Барселона» мағлубиятга учрамади: 2 та ғалаба ва 1 та дуранг.
Жамоа Испания чемпионатининг уй учрашувларида 8 ўйиннинг бештасида ғалаба қозонди. «Камп Ноу»даги икки ўйинда гол ўтказиб юбормаган.
15 ўйиндан сўнг 27 очко жамғарган «Бетис» 5-поғонада жойлашган. Мануэль Пеллегрини жамоаси мавсумнинг биринчи даврасини кўтаринки руҳда ўтказмоқда: охирги 10 турда 7 та ғалабага эришди. Ноябрь ойида Севилья жамоаси «Элче» ва «Леванте»ни мағлуб этди.
«Бетис» Испания чемпионатининг сўнгги 5 ўйинида 17 та голни ўз дарвозасидан олиб чиқди.
«Реал Сосьедад» — «Реал Мадрид», 4 декабрь, 01:00
«Реал Сосьедад» 15 ўйиндан сўнг Ла Лига жадвалида 3-ўринни эгаллаб турибди. Ҳозир басклар ҳисобида 29 очко мавжуд. Жамоа мусобақа етакчиси «Реал»дан 7 очко орқада, 2-ўриндаги «Атлетико»дан қўшимча кўрсаткичлар эвазига ортда қолмоқда.
Ўтган турда «Реал Сосьедад» меҳмонда «Эспаньол»га кичик ҳисобда имкониятни бой берди. Унга қадар жамоа кетма-кет 13 турдан буён мағлубият нималигини билмай келаётганди.
«Реал Сосьедад» Испания чемпионатининг уй ўйинларида бирор марта мағлуб бўлмади (4 ғалаба ва 3 дуранг).
«Реал Мадрид» — Испания чемпионати етакчиси. «Қироллик клуби» ҳисобида 36 очко мавжуд. Мадридликлар 10 ўйиндан буён мағлуб бўлмаяпти. Ўтган ҳафтада Карло Анчелотти шогирдлари Винисиус Жуниорнинг голи эвазига «Севилья» устидан 2:1 ҳисобида ғалаба қозонди. Охирги турда эса «Атлетик» таслим этилди. Бу сафар Карим Бенземанинг голи «қаймоқранглилар» жонига оро кирди.
«Реал» Ла Лиганинг меҳмондаги 8 ўйинининг 6 таси ғалаба қозонди.
Қолган учрашувлар:
4 декабрь, шанба
«Севилья» — «Вильярреал», 18:00
«Атлетико» — «Мальорка», 22:30
5 декабрь, якшанба
«Райо Вальекано» — «Эспаньол», 18:00
«Элче» — «Кадис», 20:15
«Леванте» — «Осасуна», 22:30
«Сельта» — «Валенсия», 01:00
6 декабрь, душанба
«Хетафе» — «Атлетик», 01:00
А Серия. Элдор Шомуродов жамоаси «Интер»га қарши, Шевченко қаршисида жиддий синов: «Женоа» «Ювентус» меҳмони бўлади
«Рома» — «Интер», 4 декабрь, 22:00
«Рома» охирги турда «Болонья»га мағлуб бўлди (0:1), шунда ҳам жамоа 25 очко билан 5-ўринда турибди. Римликлар ҳужумда самарали ўйин намойиш этмоқда — 24 та урилган гол. Ундан ташқари Жозе Моуриньо шогирдлари кам гол ўтказиб юбориш бўйича лигада топ-3 ликка киради — 15 та гол.
«Интер» билан охирги икки ўйинда «Рома» камида 2 та гол урган. «Рома» таркибида Феликс Афена-Гьян, Гонсало Вильяр, Бриан Кристанте, Лоренцо Пеллегрини ва Леонардо Спинаццола ўйнамайди.
«Интер» 31 очко билан мусобақа жадвалида 3-ўринни эгаллаб турибди. «Нераззурилар» чемпионатдаги энг сермаҳсул жамоа ҳисобланади. Уларнинг ҳисобида 34 та гол мавжуд. Охирги 10 ўйиндан буён миланликлар 2 тадан кам гол урмаяпти.
Симоне Инзаги шогирдлари А Сериянинг амалдаги чемпиони ва улар очко йўқотмаслик учун қўлидан келган барча ишни қилади. Маттео Дармиан, Стефан де Врей, Александр Коларов, Андреа Раноккия ва Кристиан Эриксен «Интер»га ёрдам бера олмайди.
Қолган учрашувлар:
4 декабрь, шанба
«Милан» — «Салернитана», 19:00
«Наполи» — «Аталанта», 00:45
5 декабрь, якшанба
«Болонья» — «Фиорентина», 16:30
«Специя» — «Сассуоло», 19:00
«Венеция» — «Верона», 19:00
«Сампдория» — «Лацио», 22:00
«Ювентус» — «Женоа», 00:45
6 декабрь, душанба
«Эмполи» — «Удинезе», 22:30
«Кальяри» — «Торино»
Бундеслига. Германияда етакчилар тўқнашуви: «Боруссия Д» «Бавария»га қарши, «Байер» кучли учликда қолиш учун кураш олиб боради
«Боруссия Д» — «Бавария», 4 декабрь, 22:30
Дортмундликлар етакчидан бир очко ортда қолган ҳолда мусобақанинг 2-поғонасидан жой олган. Уларнинг ҳисобида 30 очко бор. «Боруссия Д» охирги 10 турнинг 8 тасида ғалаба қозонди. Бироқ Марко Розе шогирдлари «Боруссия М» ва «Лейпциг»га имкониятни бой берди.
Сўнгги турда эса «Вольфбург» 3:1 ҳисобида таслим этилди. «Боруссия» сафида узоқ муддатли жароҳатдан сўнг сафга қайтган Эрлинг Ҳоланд ҳам ўз ҳисобига гол ёздириб қўйди.
«Бавария» 31 очко билан Бундеслига пешқадами бўлиб турибди. Мюнхенликлар Чемпионлар Лигасидан фарқли равишда Германия чемпионатида бир неча бор мағлуб бўлди. Октябрь ойида сенсацион тарзда «Айнтрах»га имкониятни бой берди, ноябрь ўртасида эса кутилмаганда «Аугсбург» «Бавария»дан 3 очкони тортиб олди.
Сўнгги турда «Альянц Арена»да «Арминия» 1:0 ҳисобида таслим этилди.
Қолган учрашувлар:
4 декабрь, шанба
«Арминия» — «Кёльн», 19:30
«Аугсбург» — «Бохум», 19:30
«Майнц» — «Вольфсбург», 19:30
«Ҳоффенҳайм» — «Айнтрахт», 19:30
«Байер» — «Гройтер», 19:30
5 декабрь, якшанба
«Штутгарт» — «Герта», 19:30
«Боруссия М» — «Фрайбург», 21:30
Лига 1. «ПСЖ» «Ланс» меҳмони бўлади, «Лион» «Бордо» билан баҳс олиб боради
«Ланс» — «ПСЖ», 4 декабрь, 01:00
Парижликлар 41 очко билан Франция чемпионатида яккапешқадам бўлиб турибди. Иккинчи ўриндаги «Марсель» 12 очко ортда қолмоқда.
Сўнгги турда «ПСЖ» кутилмаганда «Ницца» билан дуранг ўйнади. Почеттино шогирдлари барча мусобақалардаги охирги 5 ўйиннинг 3 тасида ғалаба қозонди, биттасида дуранг натижа қайд этилган бўлса, яна бирида мағлубиятга учради.
«Ланс» 26 очко билан кучли бешликни якунлаб берган. Жамоа охирги 3 ўйиндан буён ғалаба қозона олмаяпти. «Брест»га қарши ўйинда мағлубият (0:4), «Анжер» (2:2) ва «Клермон»га (2:2) қарши баҳслар дуранг натижа билан якунланди.
Қолган учрашувлар:
4 декабрь, шанба
«Марсель» — «Брест», 21:00
«Лилл» — «Труа», 23:00
5 декабрь, якшанба
«Сент-Этен» — «Ренн», 17:00
«Лорян» — «Нант», 19:00
«Монако» — «Мец», 19:00
«Реймс» — «Анжер», 19:00
«Ницца» — «Страсбур», 21:00
«Бордо» — «Лион», 00:45
Изоҳ (0)