Ўзбекистонлик ҳимоячи Абдуқодир Ҳусанов “Манчестер Сити”да ойнинг энг яхши футболчиси совринини қўлга киритди. У ушбу совринни қўлга киритишда Эрлинг Ҳоланд ва Йошко Гвардиолни ортда қолдириб, клуб тарихида энг кўп овоз тўплаган футболчига айланди.
Февраль ойида ёш ҳимоячи илк голини урди. Англия кубоги 4-босқичида “Лейтон Oриент” клубига қарши баҳсда жамоасига муҳим голни келтирди. АПЛ доирасидаги “Ньюкасл”, “Ливерпуль” ва “Тоттенҳэм”га қарши ўйинларда ҳам тўлиқ ўйин ўтказди. Европа Чемпионлар Лигаси доирасида “Реал Мадрид” ҳужумчиси Винисиус Жуниорни деярли имконсиз қолдирди.
Мазкур ишончли ўйинлари туфайли Абдуқодир “Манчестер Сити”нинг ой футболчиси совринига номзодлар қаторида Ҳоланд ва Гвардиол билан бирга кўрсатилган эди. Натижада Ҳусанов бу совринни қўлга киритиб, клуб тарихида энг кўп овоз тўплаган футболчига айланди. Бу ёш ҳимоячи учун катта ютуқ бўлиши билан бирга, унинг “Манчестер Сити” мухлислари орасида ҳам катта эътирофга эга эканини кўрсатиб турибди.
Сўнгги ҳафтада Ҳусанов “Плимут”га қарши Англия кубоги баҳсида дам олди, аммо у шанба куни бўлиб ўтадиган “Ноттингем Форест”га қарши ўйинда асосий таркибдан жой олиши кутилмоқда. Ушбу баҳсда “Манчестер Сити” ғалаба қозонса, Премер-лигада учинчи ўринга кўтарилиш имкониятига эга бўлади.
Изоҳ (0)