“Ливерпуль” ҳужумчиси Муҳаммад Салоҳ Англия чемпионатининг 9-туридан ўрин олган Лондоннинг “Арсенал” клубига қарши ўйинда гол урди.
Ушбу голдан сўнг у “Ливерпуль”нинг машҳур собиқ футболчиси Робби Фаулер билан тенглашиб, лига тарихидаги энг яхши тўпурарлардан бири бўлиб турибди.
Мисрлик футболчи 162 марта рақиблар дарвозасини ишғол қилган “Тоттенҳэм”нинг собиқ ҳужумчиси Жермейн Дефони ортда қолдирди.
Маълумот учун, Премьер Лига тарихидаги энг яхши тўпурар Алан Ширер бўлиб, унинг ҳисобида 260 та гол бор.
Иккинчи ўринда 208 та гол билан Руни эгаллаб турибди. Кучли учликни Энди Коул 187 та гол билан якунлаб берган.
Жорий мавсумда Салоҳ барча мусобақаларда 13 та ўйинда қатнашиб, 8 та гол ва 7 та голли узатмани амалга оширди. Футболчининг клуб билан амалдаги меҳнат шартномаси 2025 йилнинг ёзига қадар амал қилади. Transfermarkt порталида берилган маълумотларга кўра, футболчининг бозор қиймати 55 миллион еврони ташкил қилади.
Изоҳ (0)