Иқтисодий тадқиқотлар ва ислоҳотлар маркази март ойи якунлари бўйича Ўзбекистон автомобиль бозори таҳлили натижаларини тақдим этди.
Март ойида Ўзбекистонда автотранспорт воситалари савдоси 3 фоизга камайиб, 76,8 минг донани ташкил этди.
Енгил автомобиль сегментидаги вазият
Енгил автомобиллар савдоси бир ой давомида 3,4 фоизга камайди ва деярли 65 минг донани ташкил этди.
Бирламчи автомобиль бозоридаги вазият
Енгил автомобилларнинг бирламчи бозорида сотувлар ўтган ойга нисбатан 6 фоизга камайди ва 22,4 мингта автомобилни ташкил этди.
Йиллик ҳисобда ушбу сегментдаги фаоллик 3 фоизга ўсишни кўрсатди.
Хорижий енгил автомобиллари сегменти ўсиб бормоқда
Ўзбекистон бозоридаги хорижий енгил автомобиллар сегменти ижобий динамикани намоён этишда давом этмоқда, савдо ҳажми 28 фоизга ўсди ва умумий савдо ҳажми ойига 2,7 минг донагача етди.
Сезиларли ўсишга қарамай, фаолликнинг йиллик ўсиш ўртача бўлиб,13 фоизни ташкил этди.
Иккиламчи бозордаги вазият
Март ойи натижаларига кўра, енгил автомобилларнинг иккиламчи бозори фаоллиги 2 фоизга бир оз пасайиб, умумий савдо ҳажми 42,5 минг донани ташкил қилди.
Ушбу фонда, фойдаланилган электромобиллар сегменти ижобий динамикани кўрсатди, сотувлар 10 фоизга ўсиб, 1,8 мингта электромобилга ўсди ва ўтган йилнинг шу даврига нисбатан сотувлар уч бараварга ошди.
2024 йилнинг ноябрь ойида ўртача фойдаланилган маҳаллий оммабоп автомобиллар ҳамда хорижий люкс автомобиллар ўртача нархлари пасайган бўлса, маҳаллий люкс ва электромобиллар нархларида сезиларли ўзгариш кузатилмади. 2024 йил декабрь ойида иккиламчи автомобиль бозорида фаоллик пасайишда давом этди ва бу ўртача нархларда ўз аксини топганди.
2025 йилнинг январида Ўзбекистон иккиламчи автомобиль бозорида январь ойида пасайиш давом этди. Маҳаллий оммабоп автомобиллар нархи 2024 йилнинг декабрь ойидагига нисбатан арзонлашди.
Изоҳ (0)