Дунё ва ўзбек спортига оид 22 декабрнинг энг муҳим хабарлари дайжести билан танишинг.
Ўзбекистон
Ўзбекистон миллий терма жамоаси ФИФА рейтингида йилни 84-ўринда якунладиФИФА терма жамоаларнинг рейтингини эълон қилди. Бу рейтинг 2021 йилдаги сўнгиси бўлди. Ўзбекистон миллий терма жамоаси йилни 84-ўринда якунлади. ОФК жамоалари ичида «оқ бўрилар» 11-поғонани сақлаб қолди.
Умумий рейтингда ҳамон Бельгия етакчилик қилмоқда.
Шомуродов Goal нашри талқинига кўра А Серия рамзий терма жамоасига киритилди
Элдор Шомуродов Goal Italia талқинига кўра А Серия 19-тур рамзий терма жамоасидан ўрин олди. Ўзбекистонлик футболчи «Сампдория»га қарши ўйинда (1:1) захирадан майдонга тушиб, жамоасининг ягона голига муаллиф бўлганди.
Дарвозабон: Лукаш Скорупски («Болонья»);
Ҳимоячилар: Дензел Думфрис («Интер»), Маттиас Бани («Женоа»), Франческо Ачерби («Лацио»), Аарон Ҳики («Болонья»);
Ярим ҳимоячилар: Франк Кессиэ, Алексис Салемакерс (иккиси «Милан»), Федерико Бернардески («Ювентус»), Риккардо Орсолини («Болонья»);
Ҳужумчилар: Педро («Лацио»), Элдор Шомуродов («Рома»).
Жаҳон
Англия Лига Кубоги ярим финалига қуръа ташланди21–22 декабрь кунлари Англия Лига Кубогининг чорак финалидан ўрин олган учрашувлар бўлиб ўтди ва ярим финал иштирокчилари аниқланди. Ярим финалга қадар учта Лондон клуби етиб келди.
Ярим финал жуфтликлари билан танишинг:
- «Арсенал» — «Ливерпуль»
- «Челси» — «Тоттенҳэм»
Бразилиянинг чет элдаги энг яхши легионерига топшириладиган «Олтин самба» мукофотига даъвогарлар рўйхати эълон қилинди.
Ундан 30 нафар футболчи ўрин олди: Алекс Сандро («Ювентус»), Лукас Моура («Тоттенҳэм»), Матеус Перейра («Ал-Ҳилол»), Рафинья Диас («Лидс»), Артур Кабрал («Базел»), Диего Карлос («Севилья»), Фред («Манчестер Юнайтед»), Ришарлисон («Эвертон), Антони («Аякс»), Тиаго Сильва («Челси»), Лукас Вериссимо («Бенфика»), Филиппе Коутиньо («Барселона»), Маркиньос, Неймар (иккиси «ПСЖ»), Матеус Куня, Фелипе (иккиси «Атлетико»), Бруно Гимараэс, Лукас Пакета (иккиси «Лион»), Малком, Клаудиньо (иккиси «Зенит»), Габриэль Жезус, Эдерсон, Фернандиньо (барчаси «Манчестер Сити»), Роберто Фирмино, Фабиньо, Алиссон (барчаси «Ливерпуль»), Винисиус Жуниор, Родриго Гоэс, Каземиро, Эдер Милитао (барчаси «Реал»).
АПЛда Boxing day’даги икки ўйин қолдирилди
Англия Премьер Лигаси 19-тури доирасидаги икки ўйин коронавирус сабаб қолдирилди. Бу ҳақда АПЛ матбуот хизмати маълум қилди.
«Ливерпуль» — «Лидс» ва «Вулверҳэмптон» — «Уотфорд» учрашувлари 26 декабрь куни ўтказилмайди. Бунга «Лидс» ва «Уотфорд» жамоаларида коронавирус ўчоғи аниқлангани сабаб бўлган.
Эслатиб ўтамиз, 18-тур доирасидаги 6 та ўйин худди шу сабаб қолдирилганди.
«ПСЖ» миллионга яқин Мессининг исми туширилган футболка сотди
2021 йилда «ПСЖ» либослари энг кўп харид қилинган экипировкага айланган. Мессининг трансферидан кейин либослар савдоси 30–40 фоизга ошган.
Талаб юқори бўлгани боис парижликлар уни қондиришга улгурмаяпти. Бу ҳақда «ПСЖ»нинг ҳомийлик келишувлари бўйича директори Марк Армстрон маълум қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)