Машҳур инсонларнинг қашшоқликдан чўққига кўтарилган ҳаёт йўллари ҳар доим эътиборни тортган. Улар бизга энг катта орзулар ҳам ҳақиқатга айланиши мумкинлигини исботлайди. Кўпчилик машҳур ва бадавлат инсонлар аввалдан шундай шароитда улғайгандек туюлса-да, аслида улар ҳаётнинг оғир синовларини болалигидан тотиб кўрган бўлишади.
Бугунги мақолада ёшлик йилларида дуч келган барча қийинчиликларга қарамай муваффақиятга эришган Голливуд юлдузларнинг ҳақида ҳикоя қиламиз.
Том Круз
Том Круз узоқ йиллар давомида энг катта гонорар оладиган Голливуд актёрларидан биридир, шунинг учун унинг қашшоқлик даврини бошидан ўтганини тасаввур қилиш қийин. Круз электр ускуналарни созловчи ва ўқитувчи оиласида туғилган. Оилада Томдан ташқари яна 3 та опа-сингил ўсган. Отасининг иши билан боғлиқ муаммолар туфайли улар тез-тез яшаш жойини ўзгартирган.
Том уятчан бола бўлиб ўсган, доимий кўчишлар эса унга яхши дўст орттиришига халал берган. Болалигиданоқ у оиласининг қашшоқлиги, бўйи пастлиги ва тишлари қийшиқ туфайли турли комплексларга эга бўлган. Бўлажак Голливуд юлдузининг ота-онаси ажрашгач, она тўрт фарзандини боқиш учун бир вақтнинг ўзида бир нечта жойда ишлашга мажбур бўлган.
Мактабдан кейин Том ва унинг опалари ҳам оилавий бюджетга ҳисса қўшиш учун ишлай бошлаган. Бир неча йиллардан сўнг Томнинг онаси бошқа эркакка турмушга чиққан, ўгай ота эса меҳрибон киши бўлган. Вақт ўтиб, оиланинг молиявий аҳволи ҳам яхшиланган ва бу шароит Томнинг турли кастингларга боришига ва кино соҳасига кириб келишига имкон берган.
Деми Мур
Деми Мурнинг ота-онаси у туғилишидан олдин аввал ажрашиб кетган. Демининг онаси ҳомиладор бўлганида кейин ота оилани ташлаб кетган. Кўп ўтмай она ози каби алкоголизмдан азият чекадиган бошқа эркакка турмушга чиққан. Уларнинг носоғлом оиласи эса доимий равишда яшаш жойини ўзгартириб турган. Уйдаги тартибсиз муҳит, ўгай отанинг барча пулларни қиморда ютқазиши, оиладаги зўравонликлар ва охир-оқибат она-боланинг кўчада ёлғиз қолиши Демининг психикасига қаттиқ таъсир қилган.
Деми улғайган сари, онаси уни тунги клубларга олиб бориб, эркаклар эътиборини жалб қилиш учун қизидан фойдалана бошлаган. Деми Мур ўз таржимаи ҳолида онаси уни танишига 500 долларга сотиб юборгани ҳақида даҳшатли воқеани сўзлаб берган.
Жисмоний ва руҳий зўравонликдан ташқари, Демининг кўзлари ғилай бўлгани учун тенгдошлари доимо унинг устидан кулган. Натижада 16 ёшида у уйидан қочиб кетган. Деми Мур мактабни ташлаб, моделлик агентлигига ишга кирди. Орадан икки йил ўтгач, у ўзидан 12 ёш катта бўлган рок мусиқачи билан яшай бошлади. Аммо алкоголга берилган бўлажак актрисанинг салбий одатларидан воз кечиши учун йиллар керак бўлди. Ҳозирда Деми Мур барча қийинчиликларни енгиб, кино саноатида сезиларли муваффақиятларга эришган аёл ҳисобланади.
50 Cent
Рэпер Кертис Жексоннинг онаси 15 ёшида ҳомиладорлигини билгач, йигити уни ташлаб кетган. Аммо ёш қиз ёлғиз ўзи фарзандини муносиб ҳаёт билан таъминлай олди. Кертис болалигини бобоси ва бувисининг 8 фарзанди орасида ўтказди. Аммо ноқонуний гиёҳвандлик бизнеси билан шуғулланган она рақиблари томонидан ўлдирилганда рэпер эндигина 8 ёшида эди.
12 ёшида Кертис биринчи марта гиёҳванд моддаларни сотишни бошлади ва йиллар давомида жиноят оламига тобора чуқур кириб кела бошлади. 18 ёшида у ўз ҳудудининг энг яхши дилерларидан бирига айланди, аммо шу билан бирга Кертис Жексон реп мусиқасига ҳам жуда қизиқар эди. У ўз қофияларида йиллар давомида тўпланган дард, ғазаб ва умидсизликни ифодалаш йўлини топди. Реп жанри ва мусиқа унинг кўча ҳаёти ва дунёдаги ноҳақликлар ҳақидаги хаёллардан қутулиш учун умид бағишлар эди.
20 ёшида 50 Cent аллақачон қамоқда ўтириб чиққан йигит эди. Аммо бу ҳам уни синдира олмади. Кертис ҳаётининг оғир ҳақиқатини акс эттирувчи репга тобора қизиқа бошлади ва 2000 йилга келиб хит қўшиқлар чиқара бошлади. Бироқ яхши кунлар узоққа чўзилмади. Жиноий гуруҳлардан бири унинг ҳаётига суиқасд қилди ва рэперга тўққизта ўқ узилди.
Овоз ёзиш студиялари уни ҳалок бўлишига амин бўлиб, рэпер билан шартномани бекор қилди, аммо 50 Cent омон қолди. У тез орада бошқа студияни излаб топди ва мусиқий карьерасини давом эттирди.
Жоан Роулинг
Бўлажак ёзувчи синглиси билан иккиси ота-она меҳридан маҳрум тарзда, қашшоқликда яшади. Уларнинг онаси оғир касал эди, отаси эса қизларини ёқтирмас эди, чунки у бутун умри давомида ўғил кўришни орзу қилган бўлади.
Жоан улғайгач ҳам қашшоқликдан қутула олмади, чунки у ўзининг хаёлпараст табиати туфайли доимий равишда ишдан бўшатилар эди. Роулинг ўз дунёсида яшар, турли ҳикоялар ёзишни ёқтирар ва бир ишга диққатини қаратиши қийин бўлар эди.
Роулинг португалиялик эркак билан муносабатларда бўлиб, қашшоқликдан таскин топишга уринди, аммо йигит золим ва доимий қўл кўтарадиган одам бўлиб чиқди. Тез орада оилада қиз туғилди, аммо зўравонликдан чарчаган аёл фарзандини олиб эридан қочиб кетди.
Жоан жуда кам пул топса-да, ёзувчилик учун вақт ажратишга ва узоқ йиллик орзусини амалга оширишга қарор қилди: у Гарри Поттер ва сеҳргарлар мактаби ҳақидаги романни ёза бошлади. Нашриётлар китобни чоп этишни рад қилишларига қарамай, Роулинг таслим бўлмади ва романи устида ишлашда давом этди. Натижада унинг китоблари бестселлерга айланди ва Жоан Роулинг дунёдаги энг бадавлат ёзувчига айланди.
Жим Керри
Актёр Жим Керрининг фильмдаги образларига баҳо берсак, уни болалигидан қувноқ актёр деб ўйлаш мумкин. Бироқ Жим қашшоқлик ва кўп нарсалардан маҳрумлик йилларида яшаган. Бўлажак Голливуд юлдузининг отаси ишсиз, онаси оғир руҳий касалликдан азият чеккан.
Оила ҳатто бир муддат фургонда яшаб юрган. Жим ва унинг акаси, опа-сингиллари оилани боқиш учун отаси билан бирга фабрикада ишлаган. У ерда ота қўриқчи, болалар эса фаррошлик қилган. Аммо энг қийин шароитларда ҳам у ажойиб юморини актёрликка бўлган иштиёқини йўқотмаган.
Жимнинг оиласи Торонтога кўчиб ўтгач, комедия клубида чиқишга қарор қилди. Аммо унинг ижоди қониқарсиз баҳоланди. Орадан икки йил ўтгач, у яна саҳнага чиқиш учун куч топди ва бу сафар Жимнинг омади келди. Керри стендап шоуларда чиқа бошлади у йиллар ўтиб кино оламига кириб келди.
Изоҳ (0)