Бокс афсонаси Майк Тайсон сўнгги вақтларда диққат эътиборда. 2023 йилнинг ноябрида Тошкентга ташриф буюрган Тайсон орадан бир йил ўтиб, 2024 йилда блогер Жейк Полга қарши рингга кўтарилди. 58 ёшли Тайсон рақибига қарши муносиб жанг ўтказди, бироқ очколар ҳисобига мағлубиятга учради. Қуйида эса афсонага тегишли бўлган машиналар коллекцияси ҳақида маълумот берилади.
Жейк Полга қарши жанг олдидан Тайсон баҳоси 136 минг фунт стерлинг бўлган Mercedes-Benz G-класс автомобилини харид қилган.
Бироқ бу машина унинг коллекциясидагилар ичида унчалик катта қийматга эга эмас. Масалан, нархи 300 минг фунт бўлган Rolls-Royce Cullican олдида.
Бир куни Тайсонга баҳоси 165 минг бўлган Rolls-Royce лимузинини ҳам совға қилишган.
Таниқли промоутер Дон Кинг ҳам Майкка машина совға қилган. Улар ичида Rolls-Royce лимузини ва Rolls-Royce Corniche автомобили бор. Шу тариқа у боксчи билан манфаатли ҳамкорлигини таъкидламоқчи бўлган.
Ва Rolls-Royce Corniche:
80—90 йилларда Майк шоу-бизнес оламида дўстлар орттира бошлади, Голливуд зиёфатларига ташриф буюрар ва шуҳратдан завқлана бошлади.
Боксчининг дўстларидан бири бўлган рэпер Тупак Шакур уни автомобиллар харидига ундарди. Рэпер туфайли Тайсон 1989 йилда чиқарилган оқ Mercedes-Benz SL-Class 560SL сотиб олган.
Қамоқдаги оғир дамларидан сўнг яна нормал ҳаётган қайтишга уринган боксчи яна рингга қайтади.
1996 йилда Тайсон ўзининг илк Lamborghini’сини — Лас-Вегасда Брюс Сэлдон устидан қозонилган ғалаба учун олган мукофот пулларига сариқ Super Diablo Twin Turbo харид қилган.
90 йиллар охирида Майк Bentley’нинг қиммат автомобилларига ошиқ бўла бошлаган.
Ferrari F50 ва 456 GТ Spyder:
Ҳатто бу ҳам бутун коллекцияси эмас.
1997 йилда Bentley Continental машҳурликка эришганди. Бу эса Тайсоннинг коллекциясида унга ҳам жой борлигини англатарди.
2003 йилгача, спортчининг банкротлиги маълум бўлгунга қадар у қимматбаҳо автомобилларни харид қилишда давом этган, уларнинг баъзилари шахсий гаражида сақланиб қолган.
1980 йилларнинг ўрталарида 19 та ғалабадан сўнг Майк Cadillac Eldorado ва Cadillac Ceville автомобилларини сотиб олган.
Тини Такерга қарши жангдаги муваффақиятдан сўнг Темир Майк Rolls-Royce Corniche автомобилини харид қилган.
Кўриб турганингиздек, Темир Майкнинг автомобиллар коллекцияси жуда бой. Албатта, уларнинг бир нечтасидан воз кечишига тўғри келган. Тайсон 15 миллион доллар қарзини тўлаш учун бир нечта автомобилини кимошди савдосига қўйишга мажбур бўлган.
Тайсон — 58 ёшда. Фаолияти давомида у 58 та жанг ўтказиб, 50 та ғалаба (44 тасини нокаут билан) қўлга киритган, 6 тасида мағлубият аламини тотиб кўрган, иккита жанг ҳақиқий эмас деб топилган. Тайсон профессионал рингдаги сўнгги жангини 2005 йил 11 июнда ўтказган ва ирландиялик боксчи Кевин Макбрайдга ютқазиб қўйган.
Изоҳ (0)