Кино саноати доимо номини тарихга муҳрлаб, давр тимсолига айланадиган янги истеъдодларни излайди. Ушбу мақолада карьераси ва ролларини танлаши ўтмишдаги афсонавий юлдузларнинг йўлини эслатувчи актёрлар ҳақида маълумот берамиз. Эҳтимол, яқин орада уларнинг исмлари Голливуд юлдузлари билан бир қаторга қўшилар.
Пол Мескал — Рассел Кроу
Пол Мескалнинг юлдузлик онлари “Оддий одамлар” сериали билан бошланди. Бу лойиҳа унга шуҳрат келтирди ва катта кино оламига йўл очди. Бу унинг биринчи роли эди. Актёр бўлишдан аввал Пол истиқболли спортчи бўлиб, Ирландиянинг миллий спорти ҳисобланган — гел футболида ўйнаган.
2024 йилда Пол афсонавий “Гладиатор” фильмининг давомида бош ролни ижро этди. Унинг қаҳрамони Луцилла ва Максимус персонажларининг ўғли. Қизиғи шундаки, Пол бу ролни режиссёр Ридли Скотт билан 30 дақиқалик Zoom суҳбатидан сўнг қўлга киритди. Бу фильмдаги иши, табиийки, Максимус роли учун “Оскар” мукофотини қўлга киритган Рассел Кроу билан таққосланишга сабаб бўлди.
Жоуи Кинг — Натали Портман
Жоуи Кинг 25 ёш бўлишига қарамай, истиқболли актрисаларидан бири ҳисобланади. Жоуи аллақачон жаҳон юлдузлари билан бирга суратга тушишга улгурган, масалан, “Ўқдан тез” фильмида Брад Питт билан рол ижро этган. Жоуини Натали Портман билан таққослашади. Улар нафақат ташқи кўриниши, балки ролларга дадил ёндашишлари билан ҳам ўхшаш. Мисол учун, Жоуи “Акт” сериали учун сочини олдирган — худди 2005 йилда рол учун сочини қирдирган Натали Портман сингари. Иккала актриса ҳам мураккаб ва драматик ролларда чуқур ҳиссиётларни етказиш қобилияти билан танилган.
Женна Ортега — Вайнона Райдер
Женна Ортега 2002 йил 27 сентябрда туғилган. У ўз фаолиятини 9 ёшида бошлаган. Аммо актриса 2022 йилда Аддамслар оиласининг тўнғич қизи образини гавдалантирган “Уэнздей” сериалидаги ролидан сўнг катта муваффақиятга эришди.
2024 йилда 80 йилларнинг “Битлжус Битлжус” хитининг давоми чиқди, фильмда Женна биринчи қисмнинг юлдузи Вайнона Райдер билан рол ўйнади. Баъзи нашрлар актрисаларнинг ўхшашлигини таъкидлайди. Иккаласи ҳам ғайриоддий жанрларда рол ўйнашга интилади ва стандарт Голливуд қиёфасига эмас, балки бошқалардан ажралиб турадиган ноёб кўринишга эга. Вайнона Райдерга ўхшашлик Женнани Голливудда ўзига ишонч билан йўл очадиган, ғайриоддий роллари билан томошабинлар меҳрини қозонган муносиб ворисига айлантиради.
Жейкоб Элорди — Бред Питт
Жейкоб Элорди — австралиялик актёр, 1997 йил 26 июнда туғилган. Интервьюларидан бирида Жейкоб болалигидан Бред Питтга ҳавас қилишини айтган. Питт сингари Элорди ҳам енгил романтик образлардан тортиб, кўп қиррали ва мураккаб персонажларгача бўлган роллар билан фаол тажриба ўтказади. Иккала актёр ҳам ўз фильмларида кўпинча мустақил равишда трюкларни ижро этишади.
Фиби Дайневор — Кира Найтли
Фиби Дайневор “Брижертонлар” сериалидаги Дафна роли туфайли машҳур бўлди. Бироқ Фиби тарихий ролларга бўлган муҳаббатини бундан анча олдин намоён қилган: у “Мушкетёрлар” сериалида рол ўйнаган. Кўпчилик уни Кира Найтлига ўхшатади.
Иккала актриса ҳам фаолиятини ёшлигида бошлаган ва тезда муваффақиятга эришган. Уларнинг келиб чиқиши Британияга бориб тақалади, бу эса уларнинг тарихий фильмлардаги ижросига ўзига хослик бахш этади. Кира сингари Фиби ҳам машҳур лойиҳалар ва жиддий кино ўртасида мувозанат сақлайди.
Жаден Maртeлл — Леонардо ДиКапри
Жаден Maртeлл фаолиятини жуда эрта бошлаган, у биринчи бош ролини 10 ёшида “Авлиё Винсент”фильмида ўйнаган. Кейинги бир неча йил ичида Жаден 10 дан ортиқ фильмларда рол ўйнади.
Унинг карьераси Леонардо ДиКаприо фаолиятининг дастлабки йилларини эслатади, у ҳам ҳиссий бой ва психологик жиҳатдан мураккаб роллардан бошлаган. ДиКаприо биринчи марта икки ёшида спектакл фестивалида рақсга тушиб, эътиборни тортади. Кейинчалик у 20 та реклама ролигида суратга тушиб, Роберт Де Ниро билан “Бир йигитнинг ҳаёти” фильмида рол ўйнади.
Жош Ривера — Жон Траволта
Жош Ривера — “Вестсайд тарихи” мусиқий фильмидаги роли билан томошабинлар эътиборини тортган юлдуз. Мактабда Жош футбол ўйнаган, шунингдек, мусиқа ва театр билан шуғулланган, кейин эса коллежда мусиқали театр бўйича бакалавр даражасини олган.
“Вестсайд тарихи” мусиқий фильми Жошнинг кинодаги дебюти бўлган. Унинг йўли отаси профессионал футболчи бўлган Жон Траволтанинг карьерасини эслатади, аммо Жоннинг ёшлигидан актёрликни танлайди. Траволтани юлдузга айлантирган фильмлар “Шанба оқшоми васвасаси” ва “Бриолин” мусиқий фильмлари бўлиб, у ажойиб вокал ва рақс маҳоратини намойиш этади.
Бугунги кунда Жош ўзининг истеъдоди ва харизмаси туфайли Траволтанинг муносиб вориси бўлиб, янги авлод томошабинларининг қалбини забт этишга тайёр.
Изоҳ (0)