Бир неча йил аввал бу болалар жаҳон киносининг ҳақиқий юлдузлари, ёшларнинг севимли кумирлари бўлган.
Маколей Калкин
“Уйда ёлғиз” ва “Уйда ёлғиз 2” фильмлари билан машҳур бўлган Маколей Калкин 11 ёшида “Олтин глобус” мукофотига номзод бўлган ва фильм энг юқори даромад келтирган картина сифатида Гиннеснинг рекордлар китобида биринчи ўринни эгаллаган.
Калкин бир вақтлар кинода суратга тушгани учун жуда катта гонорар оларди. Фақат кейинчалик унинг карьераси пастлай бошлади. Калкин иштирокидаги “Отам билан баравар” ва “Бойвачча Ричи” каби фильмлар прокатда муваффақиятсизликка учради. Шундай қилиб, Маколейнинг машҳурлиги сўнди.
Кейинчалик Калкин бир қатор жиддий синовларга дуч келди: гиёҳвандликка қарши курашдан тортиб, Мила Кунис билан ажрашгандан кейин оғир кечинмаларгача. Бироқ у барча қийинчиликларни енгиб ўтишга муваффақ бўлди ва бугунги кунда ҳам ижод билан фаол шуғулланишда давом этмоқда. Машҳур юлдуз “Фаллоут” сериалининг янги мавсумида даҳо ролини ўйнайди. Бундан ташқари, унинг бахтли оиласи ва фарзанди бор.
Жейк Ллойд
“Юлдузлар жанги” фильмида Энакин Скаюолкер сифатида танилган Жейк Ллойд бутун дунё бўйлаб машҳурликка эришди, аммо бир вақтнинг ўзида жуда кўп танқидларга учради. Бола “Олтин малина” мукофотига 2 та номинацияга эга бўлди. Ёшлигидан у тенгдошларининг таҳқирлашларига ва дўқ-пўписаларига бардош беришга мажбур бўлган. Ллойд бошқа соҳаларда ўзини топишга ҳаракат қилди, аммо руҳий саломатлик муаммолари, шу жумладан шизофрения ташхиси унинг ҳаётини жуда қийинлаштирди.
Эдвард Ферлонг
Эдвард ижодий йўлини тасодифан бошлаган, кастинг-директор туфайли болакай кинога келиб қолган. Актёр “Терминатор 2: Қиёмат куни” машҳур фильмида рол ўйнагач, кўплаб фильмларга таклифларини олади. “Америкача Икс ҳикояси” гарчи фильм кутилганидек чиқмаган бўлса ҳам Ферлонг карьерасида муҳим босқич бўлди.
Бироқ алкоголь ва гиёҳванд моддалар билан боғлиқ муаммолар Эдварднинг ҳаёти ва ташқи кўринишига жиддий таъсир кўрсатди, бу эса унинг карьерасининг тугашига олиб келди.
Линдси Лохан
Линдси Лохан “Ота-оналар учун тузоқ”, “Ёмон қизлар” каби машҳур фильмлардаги роллари туфайли муваффақиятга эришди.
Тўсатдан келган шуҳратдан сўнг, Линдси нафақат ўз роллари туфайли, балки гиёҳванд моддалар ва спиртли ичимликларни суиистеъмол қилиш билан боғлиқ бўлган шов-шувли шахсий ҳаёти сабабли ҳам диққат марказига тушди. Бу муаммолар унинг карьерасига жиддий таъсир кўрсатди, бироқ юлдуз қийинчиликларни енгишга муваффақ бўлди. Бугунги кунда Лохан ўз қарамликларини муваффақиятли бартараф этиб, оила қурди ва фаол ижодий фаолиятга қайтди.
Хейли Жоэл Осмент
Хейли Жоэл Осмент, шубҳасиз, ўз авлодининг энг машҳур болалар актёрларидан бири эди. “Олтинчи сезги” фильмидаги Коул Сир роли унга оламшумул машҳурлик келтириб, “Оскар” мукофотига номзоди қўйилишига сабаб бўлди. Бироқ эрта ёшда эришилган муваффақият доим ҳам узоқ муддатли машҳурликни кафолатламайди.
Фильмни суратга олиш пайтида содир бўлган авария унинг карьерасига таъсир қилди — актёр маст ҳолда рулга ўтирган. Вақт ўтиши билан Осментга таклифлар камая бошлайди, бундан ташқари семириб кетгани сабаб бош ролларни ўйнашни тўхтатади.
Элисон Портер
“Қўнғироқсоч Сю” фильмидаги роли билан танилган Элисон Портер ҳам ёш актёрларнинг одатий муаммосига дуч келди — у кино саноатида ўз ўрнини мустаҳкамлай олмади. Бунинг ўрнига у театрдаги карьерасига эътибор қаратди. Афсуски, ўсмирлик даврида Элисон спиртли ичимликлар ва гиёҳванд моддаларни истеъмол қилишни бошлади, аммо қарамликни фақат йиллар ўтгач енга олди. Шундан сўнг унинг кино карьераси қайта тикланмади.
Изоҳ (0)