Дипика Падуконе — Ҳиндистон кинематографиясида танилган машҳур ҳинд актрисаси. Ажойиб карьерага эга бўлиб, у Ҳиндистондаги энг юқори маош оладиган актрисалардан бири сифатида эътироф этилган ва кўплаб мукофотларга, жумладан учта Фильмфаре мукофотига сазовор бўлган. Эътиборга лойиқ жиҳати шундаки, Тиме журнали уни 2018 йилда дунёдаги энг машҳур 100 кишидан бири деб тан олган ва 2022 йилда Тimе100 Impact Award мукофоти билан тақдирлаган.
-h6wwQG0n.jpg)
Актрисаликдан ташқари, Падуконе ўзининг жамоатчилик ишлари билан танилган, айниқса руҳий саломатлик, феминизм ва депрессия ҳақида хабардорликни ошириш борасида. У Ҳиндистонда руҳий саломатлик муаммолари билан шуғулланадиган Livе Lovе Laugh жамғармасининг асосчисидир. Бундан ташқари, у кўрсатувларда фаол иштирок этади, газеталарга мақолалар ёзади, ўзининг аёллар кийимлари тармоғига эга ва турли брендлар ҳамда маҳсулотларнинг юзи сифатида фаолият юритади.
Дипика Падуконе 1986 йил 5 январда Даниянинг Копенгаген шаҳрида конкани жамоасига мансуб оилада дунёга келган. Унинг отаси Пракаш Падуконе ўтмишда таниқли профессионал бадминтончи бўлган, онаси Ужала эса сайёҳлик агенти сифатида фаолият юритади. Дипиканинг Аниша исмли синглиси бор, у голф ўйинчиси сифатида ном қозонган. Дипиканинг бобоси Рамеш Падуконе Майсур бадминтон уюшмасида котиб лавозимида ишлаган, бу эса оиланинг спорт оламидаги сезиларли ўрнини кўрсатади.
Дипика атиги бир ёшга тўлганда, унинг оиласи Ҳиндистоннинг Бангалор шаҳрига кўчиб ўтган, у шу ерда ўсиб-улғайган. Спорт билан, айниқса бадминтон билан боғлиқ бу мустаҳкам оилавий алоқа Дипикага спорт соҳасида чуқур илдиз отган пойдевор яратиб берган. Оиласининг қўллаб-қувватлаши ва таъсири, айниқса отасининг спорт соҳасидаги ажойиб ютуқлари Дипиканинг ҳаёт ва карьера йўлини шакллантиришда муҳим аҳамият касб этган.
Дипика бошланғич таълимни Бангалордаги София ўрта мактабида олган ва ўқишини Mount Cаrmеl коллежида давом эттирган.
Болалигида Падуконенинг дўстлари унчалик кўп бўлмаган. У ёшлигидан бадминтонга қизиққан, миллий даражадаги мусобақалар ва чемпионатларда қатнашган. Бундан ташқари, у бейсбол бўйича ҳам бир нечта давлат миқёсидаги турнирларда иштирок этган. Спортга содиқлигига қарамай, Падуконе ёшлигида турли реклама кампанияларида иштирок этиб, моделлик билан шуғулланган.
2004 йилда у Прасад Бидапанинг раҳбарлиги остида ўзини тўлиқ моделлик фаолиятига бағишлайди. Унинг истеъдоди ва жозибадорлиги тез орада эътироф этилади, у кўплаб реклама роликларида ва босма нашрларда пайдо бўлади. Жумладан, 2006 йилги Кингфишер тақвимини суратга олишда қатнашиши унинг жамиятдаги машҳурлигини сезиларли даражада оширади. 21 ёшида Мумбайга кўчиб ўтгандан сўнг, Падуконе актёрлик йўлидаги дастлабки ишини Ҳимеш Решаммианинг “Наам Ҳаи Тера” клипида иштирок этиш билан бошлайди.
Шундан сўнг режиссёр Фараҳ Хон унинг Решаммиа клипидаги иштирокини кўриб, уни ўша пайтда “Янги йил билан” деб номланган фильмга таклиф қилади. 2006 йилда Дипика “Айшвария” фильмининг бош қаҳрамони сифатида кино оламида дебют қилади.
Дастлабки муваффақиятидан сўнг омадсизликка учраган бўлса-да, унинг карьерасида “Коктейл” (2012) романтик комедиясидан кейин сезиларли бурилиш юз беради ва “Еҳ Жавани Ҳаи Девани”, “Ченнай Экспресс”, “Бажирао Мастани”, “Падмаават” каби турли фильмлардаги роллари туфайли янада ўсади. “Ом Шанти Ом” фильмидаги иштироки эса актрисага оламшумул машҳурлик олиб келади.
2008 йилда “Эҳтиёт бўлинг, гўзаллар” фильмини суратга олиш пайтида актриса Ранбир Капур билан севишиб қолади. У ҳатто бўйнининг орқа қисмига унинг исм-шарифининг бош ҳарфларини татуировка қилдиради. Аммо жуфтлик хиёнат сабаб 2010 йилда муносабатларига нуқта қўяди.
Ранбир Капур дастлаб айбловларни рад этган, аммо кейинчалик хиёнат қилганини тан олган.
2011 йилда Дипика Сиддҳарт Mally билан учраша бошлайди. Кейинги йили уларнинг ажралиши ҳақида хабарлар пайдо бўлади, бунга жавобан у шундай дейди: “Биз келажагимизни биргаликда кўролмаганимиз учун дўст бўлиб қолишга қарор қилдик”.
2012 йилдан у Болливуд актёри Ранвир Сингх билан муносабатда экани ҳақида гап-сўзлар тарқалади. Дипика ва Ранвир режиссёр Санжай Лила Бҳансалининг “Рам ва Лила” фильмини суратга олиш жараёнидан бошлаб илиқ муносабатлар ўрнатган бўлса-да, улар узоқ вақт давомида буни оммадан яширишга ҳаракат қилди. Улар биргаликда “Бажиаро ва Мастани” ҳамда “Падмаватиъъ каби машҳур фильмларда ҳам суратга тушади.
Ва ниҳоят 2015 йилда актёр Дипикага Малдив оролларида турмуш қуришни таклиф қилади, кейин эса ота-онасига унаштирилганликларини маълум қилиш учун уни дарҳол Бангалорга олиб боради.
Олти йил давом этган муносабатлардан сўнг 2018 йилда Болливуд жуфтлиги гўзал табиат қўйнида — Италиядаги Комо кўли яқинида тўй маросимини ўтказади. Жуфтлик икки хил анъанада байрам уюштиради: конкани миллий анъанасига хос маросим дъЭстеда вилласида, синдҳи анъаналаридаги иккинчи маросим эса Роккабруна меҳмонхонасида ўтказилади.
2024 йилнинг март ойида юлдузли жуфтлик илк марта ота-она бўлишлари ҳақида ижтимоий тармоқларда маълум қилишди. Ўша йилнинг 8 сентябрида эса Ранвир Сингх ва Дипика Падуконе қизли бўлди.
Нафақат Болливуд, балки Голливуд фильмларида ҳам суратга тушган актриса ҳинд, инглиз ва тулу тилларини яхши билади. “Пику” фильмида суратга тушиш учун бенгал тилини ўрганишига ҳам тўғри келган.
Изоҳ (0)