“Сумерки” фильми билан танилган Голливуд актёри Роберт Паттинсон ва хонанда Сюки Уотерхаус Кариб оролларида жойлашган манзарали курортда никоҳ маросимини ўтказди. Бу ҳақда DeuxMoi блоги хабар берди.
38 ёшли Паттинсон ва 33 ёшли Уотерхауснинг тўйи бўлиб ўтган денгиз курорти ишчи ходими сўзларига кўра, маросимда жуфтликнинг оила аъзолари, яқинлари ва албатта қизалоғи иштирок этди.
Бундан аввал 2023 йил 19 ноябрда Сюки Уотерхаус ҳомиладорлигини Мексикадаги Cоronoa Capital фестивалида тасдиқлаган эди. 2018 йилдан бери учрашиб келган жуфтлик ўша йилнинг декабрь ойида фарзандли бўлишди. Орадан бир неча ой ўтиб эса улар ришталарни қонуний боғлашга қарор қилди ва расман никоҳдан ўтди.
Паттинсон ҳозирда асосий вақтини оиласи ва фарзанди билан ўтказмоқда.
Изоҳ (0)