Кўпинча Голливуд киносининг “Олтин даври” юлдузлари ҳаёти ҳақида барча нарсани биламиз, деб ўйлаймиз: шон-шуҳрат онларидан тортиб то шахсий ҳаётларининг энг майда тафсилотларигача. Бироқ ўтмишдаги бу гўзалларнинг таржимайи ҳолларидаги қуйидаги фактларни кўпчилик билмайди.
Грэйс Келли Монако маликаси бўлишга биринчи номзод эмасди
Шаҳзода Рене билан танишганида, Грэйс Келли кинода ажойиб карьерага эга ва дизайнер Олег Кассини билан унаштирилган эди. Кассини актрисага ўзига хос образ яратганини айтиб, бундан аввал Грэйс ўқитувчилардек кийинарди деб мақтанарди. Бироқ Грэйснинг ота-онаси бу никоҳга қатъиян қарши эди. Актриса Монако шаҳзодаси билан Канн фестивалида танишган, атиги иккита учрашувдан сўнг Кассини билан унаштирувни бекор қилиб, Рененинг турмуш қуриш таклифини қабул қилган.
Гап шундаки, шаҳзода айнан Голливуд актрисалари орасидан ўзига жуфт қидираётганди. Бу пайтда мамлакат ночор аҳволда бўлиб, Рененинг дўсти — магнат Аристотел Онассис шаҳзодага машҳур одамлар орасидан рафиқа топишни маслаҳат берган. Унинг маслаҳатига кўра, бу Монакога кўплаб сайёҳларни ва турган гапки, пул ҳам жалб қилади. Дастлаб Онассиснинг танлови Мерилин Монро эди, аммо у Рене билан учрашишдан қатъиян бош тортган. Шаҳзоданинг Грэйс Келли билан тўйи муносабати билан Мерилин келинга қуйидаги мазмунда телеграмма жўнатган: “Бу бизнесдан қутулганингиздан жуда хурсандман!”. Келлининг ўзи ҳам кейинчалик кўп йиллар кинони соғинган ва суратга тушолмаслигидан афсусланган.
Вивен Ли умр бўйи қўлларини яшириб юрган
Вивиэн Ли ўз даврининг энг гўзал актрисаларидан бири ҳисобланган. Шу билан бирга, замондошларининг фикрича, жозибадорлиги туфайли кўпчилик Лининг ҳақиқатан ҳам буюк истеъдодини пайқашмаган.
Лекин Вивеннинг ўзи бармоқларини жуда катта деб ҳисоблагани учун жуда тортинарди. Шу сабабли актриса бутун умри давомида қўлларини қўлқоп ёрдамида яширишга ҳаракат қилган. Лининг 150 жуфтдан иборат қўлқоплар коллекцияси бўлган.
Элизабет Тейлор кўп вақтини шифохоналарда ўтказган
12 ёшли актриса “National Vilvet” фильмини суратга олиш пайтида отдан йиқилиб, белини шикастлаганидан бери Тейлорнинг соғлиғи билан боғлиқ жиддий муаммолар бутун умри давомида уни таъқиб қилиб келган. Элизабет ҳали 30 ёшга ҳам тўлмаган бўлса-да, аллақачон кўплаб жиддий касалликларни бошдан кечирган ва тез-тез касалхонада даволанган.
Бундан ташқари, студия Элизабетни 20 ёшида ринопластика қилишга мажбур қилади. Раҳбариятнинг назарида унинг бурнининг пастки қисми бир оз йўғонроқ кўринарди. Актрисанинг ўзи эса узоқ йиллар давомида бундай операция қилдирганини тан олишни истамаган.
22 ёшида карьерасига нуқта қўйилишига бир бахя қолган Софи Лорен
Актрисанинг Голливуддаги биринчи фильмларидан бири “Йўқолган афсона” фильми бўлиб, фильмда у Жон Уэйн билан суратга тушган. Софи инглиз тилида унчалик яхши гапиролмасди, суратга олиш жамоаси уни мазах қилиб куларди. Бироқ Уэйн ҳар доим қизнинг ёнини олар ва унга далда беришга уринарди. Жон қанчалик машҳур бўлишига қарамай, бир вақтнинг ўзида ҳам самимий ҳам ғамхўр эди.
Фильмни суратга олиш Софи учун ҳақиқий синов бўлган. Бир куни Лорен меҳмонхонада бўғилиб қолишига сал қолади. Гап шундаки, меҳмонхонага эски газ плитаси ўрнатилган бўлиб, кечаси актриса қаттиқ бош оғриғи билан уйғонади. Деярли ҳушини йўқотиб, эшиккача етиб бориб, уни очади-ю йиқилади. Натижада ерда Софини бошқа актёр кўриб қолиб дарҳол ёрдамга чақиради.
Жейн Фонданинг машҳур отаси қизига меҳрибон бўлмаган
Жейн таниқли актёр Генри Фонданинг қизи. У отасини жуда яхши кўрса ҳам, Генрини меҳрибон ва ғамхўр ота деб бўлмасди. Кейинчалик Жейннинг эслашича, айнан дадаси ташқи кўриниш муҳим деган ғояни унинг миясига сингдирган. Унинг сўзларига кўра, Генри унга тез-тез қуйидаги мазмундаги хабарларни юборган: “Агар мукаммал кўринмасанг, ҳеч ким сенини севмайди”. Жейннинг ёрқин гўзаллиги ортидан кўплаб режиссёрлар унинг маҳоратини инобатга олмасдан ролларга таклиф қилишган.
Ҳаётини спагетти ва шоколадсиз тасаввур қилолмаган Одри Ҳепберн
Актриса нозик қомати билан машҳур бўлса-да, севимли таоми помидор қайлали спагетти бўлган. Одри уни деярли ҳар куни истеъмол қилган ва ўғлининг сўзларига кўра, у том маънода макаронсиз яшай олмаган. Ҳепберн қаерга бормасин, чамадонида доим спагетти бўлган ва етиб келиши биланоқ уни пиширган.
Актрисанинг яна бир заиф томони қора шоколад эди. Унинг уйида шоколад сақланадиган махсус жавон ҳам бўлиб, оиланинг бошқа аъзоларига унинг рухсатисиз олиш тақиқланган. Одри кимдир унинг шоколадларидан сўроқсиз олганини билиб қолса, астойдил ранжиган.
Изоҳ (0)