Эътироф этилган истеъдоди, фильмлардаги қойилмақом ижроси билан мухлислар қалбидан жой олган қуйидаги актёрлар шуҳрат чўққисида бўлишига қарамай, турли сабабларга кўра кино саноатини тарк этган.
Жек Николсон
Жек Николсон Голливуд афсонаси сифатида тан олинган, уч карра “Оскар”, етти марта Олтин глобус мукофотларига сазовор бўлган, “То ҳаёт эканмиз”, “Порлаш” ва “Кетганлар” каби фильмларда машҳур ролларни ижро этган эга. Бироқ 2010 йилда “Қандай англаш мумкин...” романтик комедияси чиққандан сўнг, Николсон тўсатдан экранлардан ғойиб бўлди. Аввалига актёр хотира билан боғлиқ муаммолар туфайли ўз репликаларини ёдда қолдира олмагани учун кинони тарк этгани ҳақида миш-мишлар тарқалди. Николсоннинг шахсан ўзи бу тахминларни рад этиб, у шунчаки муносиб фильмларга таклиф келмаганини айтди.
2017 йилда унинг дўсти Питер Фонда актёр ҳақиқатан ҳам нафақага чиққанини тасдиқлади. Жек Николсон ўз даврида барча актёрлар орзу қиладиган нарсаларга эришгач, шоу-бизнесдан йироқда, тинч ва тотув ҳаёт кечиришга қарор қилди.
Николсоннинг кинони тарк этиши ҳануз сирлигича қолмоқда. Эҳтимол, бу шунчаки унинг Ёши билан боғлиқ. Актёр 2025 йилнинг баҳорида 88 ёшни қарши олади.
Майкл Жей Фокс
Майкл Жей Фокснинг “Келажакка қайтиб” трилогиясидаги Марти Макфлай образи уни унга катта машҳурлик келтирди. Бироқ 1991 йилда 30 ёшида унга Паркинсон касаллиги ташхиси қўйилди.
Майкл унга паркинсон касаллиги ташхиси қўйилишидан олдин ҳам таниқли эди. Ушбу касаллик туфайли эртами-кечми актёрлик фаолиятини тарк этиши кераклигини англади. Кўпчилик мухлисларнинг фикрича, агар Майкл “Келажакка қайтиб 2” фильмини суратга олиш чоғида муваффақиятсиз трюк сабаб ҳушини йўқотмаганида, эҳтимол бу касалликка чалинмаган бўларди.
Аҳволи ёмонлашганига қарамай, Фокс фильмларга ва телевизорда эпизодик ролларда чиқишда давом этди, шунингдек, Паркинсон касаллигини даволашни қўллаб-қувватлаш мақсадида хайрия ташкилотини ҳам тузди. Фақатгина 2020 йилга келиб, фаолиятини якунлади. Сўнгги вақтда актёр ўз нутқини назорат қилишни йўқотган ва хотираси ҳам сусайгани ҳақида маълум қилинган.
Ева Мендес
“Форсаж 2”, “Хитч усули” каби фильмлар қаҳрамони, америкалик актриса Ева Мендеснинг иштирокидаги сўнгги лойиҳа — 2014 йилда чиққан “Қандай қилиб махлуқни тутиш мумкин” номли фантастик детектив бўлди. Шундан бери актриса экранларда кўринмаяпти — бу қарорини оиласига бағишланишни хоҳлагани билан изоҳлаган эди.
Ева Райан Гослинг билан турмуш қурган ва улар бирга Эсмералда ва Амада исмли икки қизни тарбиялашмоқда. Бундай машҳур ва муваффақиятли турмуш ўртоғидан ўзиб кетиш қийин, шунинг учун Мендес карьерасини давом эттириш имконини Гослингга тақдим этган кўринади. Айтишича, у аллақачон ўзининг карьера чўққисига эришганини ҳис қилган. Сўнгги маълумотларга кўра, Ева ҳозирча актрисалик фаолиятига қайтишни режалаштирмаяпти. У болаларини тарбиялаш ва уй-рўзғор ишлари билан шуғулланишни афзал кўрмоқда.
Брюс Уиллис
Фото: Instagram
Актёр “Ўтда ёнмас” фильмидаги Жон Макклейн ролидан кейин шуҳрат қозонди ва унинг муваффақияти “Бешинчи элемент” ва “Армагеддон” каби лойиҳалар туфайли мустаҳкамланди. Брюс Уиллиснинг харизмаси ва ажойиб образлари уни Американинг таниқли юлдузларидан бирига айлантирди.
Голливуднинг энг кўп маош олувчи актёрларидан бири бўлган Брюс Уиллис 2022 йилнинг йилнинг баҳорида нафақага чиқди: шифокорлар унга афазия (мия шикастланишидан кейин пайдо бўлиши мумкин бўлган нутқ бузилиши) ташхисини қўйишди. Бундай аломатлар билан суратга тушишнинг иложи йўқ эди. Касаллик сабаб Брюс равон гапира олмай, сценарий сўзларини эслолмайди. Шундан кейин Брюс Уиллиснинг оиласи уни актёрликдан кетишини эълон қилди.
2023 йилга келиб Брюснинг деменция ташхиси янада авж олди. Бундай қайғули хабар ижтимоий тармоқда кўплаб мунозараларга сабаб бўлди.
Дэниэл Дей Льюис
“Энг яхши эркак роли” учун уч карра “Оскар” га муносиб кўрилган ягона актёр Дэниэл Дей Льюис 40 йиллик карьераси давомида атиги 21 та фильмда суратга тушган. Актёр ҳар бир лойигани ўта синчковлик билан танлаши ва саралаб олиши билан ҳам танилган. У “Менинг чап оёғим”, “Шафқатсиз синов”, “Нефть” ва “Линкольн” каби фильмларда иштирок этган.
Бир вақтлар Дэниэл этикдўзлик ҳунарини чуқур ўрганиш мақсадида кинони вақтинча тарк этган ва ҳатто Италияга кўчиб кетган эди. Аммо режиссёр Мартин Скорсезенинг “Нью-Ёрк бандалари” фильми сценарийси унинг фикри ўзгаришга сабаб бўлган. 2017 йилда Дей Луис яна бир бор карьерасини тугатиши ҳақида эълон қилди. Унинг иштирокидаги сўнгги фильм Пол Томас Андерсоннинг “Кўринмас ип” номли тарихий драмада моделер ролини ўйнаган.
2024 йил октябрь ойида эса актёр етти йиллик танаффусдан сўнг яна кинога қайтишни режалаштираётгани маълум бўлди. Бу сафар бу унинг ўғли Ронаннинг режиссёрлик дебюти бўлиб, ота-ўғил биргаликда “Анемона” фильми сценарийсини устида иш олиб бормоқда.
Изоҳ (0)