Кўплаб жангари фильмлар юлдузи, 64 ёшли америкалик актёр Жан-Клод Ван Дамм ўзининг “Кикбоксер” фильмидаги машҳур рақсини такрорлади. Картина экранларга 1989 йилда чиққан эди.
Орадан 36 йил ўтгач, Голливуд актёри таниқли рақснинг асосий элементларини ҳали ҳам ёдида қолганини кўрсатди. Ван Дамм таътил пайтида бассейн яқинида ва палма дарахтлари фонида рақсга тушди. У мусиқа ритмига тушиб, қўшиқ хиргойи қилар эди:
2015 йилда Ван Дамм Cонан Show дастурида ҳам ўша ҳаракатларини такрорлаган эди.
“Кикбоксер” фильми сюжетига кўра, Курт Slouн ва унинг укаси Эрик Slouн Америка спорт мактаби ҳеч қайси давлатникидан қолишмаслигини исботлаш учун халқаро кикбоксинг турнирига Таиландга боради.
Бироқ Ван Даммнинг қаҳрамони шафқатсиз курашнинг гувоҳига айланади, ушбу жанг давомида икки метрли барзанги эркак рингда акасини енгади ва ҳаётини барбод қолади. Ўша жангдан кейин Эрик Slouн ногирон бўлиб қолади.
Акасининг рақибидан ўч олишга қарор қилган Курт, жанг санъати бўйича эски устози билан учрашади. Керакли кўникмаларни эгаллаб, қаҳрамон рингга чиқади.
Маълумот учун: ҳақиқий исми Жан-Клод Камил Франсуа Ван Варенберг бўлган Жан-Клод Ван Дамм 1960 йилда Бельгияда туғилган. 18 ёшида бўлажак актёр каратэ бўйича қора белбоғ олган ва бодибилдингда “Жаноб Бельгия” унвонини қўлга киритган. 1979 йилда Ван Дамм “Ит ва бўри орасидаги аёл” фильмида дебют қилган.
Жангари фильмлар юлдузи “Қалтис нишон” (1993) ва “Вақт патрули” (1994), “Репликант” (2001), “Жаҳаннамда” (2003), “Иккинчи қўмондон” (2006), “Универсал аскар” (1992), “Қочишга жой йўқ” ва бошқа кўплаб фильмларда иштирок этган.
Изоҳ (0)