Машҳур фильм ёки сериалдаги ролига ғайриоддий сабабларга кўра рози бўлган Голливуд актёрлари

Актёрнинг гонорари — унинг даромади бўлиб, ундан камдан кам одам ўз ихтиёри билан воз кечади. Аммо баъзида шундай бўлиши ҳам мумкин — актёрлар ноодатий шартлар асосида ролга рози бўлишади.

“Дедпул”да бир финжон қаҳва учун рол ўйнаган Бред Питт

“Дедпул”нинг оригинал сценарийсида кўринмас одам юзини ошкор қилмаслиги керак бўлгани учун бу ролга ҳеч ким тайинланмаганди. Райан Рейнолдс фильмни сайқаллаётиб, якуний саҳнага етиб келганида миясига қайдисир юлдузни эпизод ролга таклиф қилиш фикри келади. Шу тариқа Бред Питт жамоага қўшилади, у касаба уюшмаси қоидаларига кўра мумкин бўлган минимал гонорар ва бир финжон қаҳва эвазига ушбу ролни ўйнашга рози бўлади. Аммо энг муҳим шарт шуки, бу қаҳвани шахсан Райан Рейнолдс олиб келиши керак эди. Бред ярим соат давомида қатъий махфий ҳолатда суратга тушади. Бу вақт ичида Рейнолдс қаҳвахонага боришга, қаҳва сотиб олиб қайтишга улгуради. Питт ҳақида фақат бир нечта одам билгани сабабли унинг “Дедпул 2” фильмида пайдо бўлиши томошабинлар учун кутилмаган воқеага айланади.

Ричард Ҳаррисни набираси кўндирган

90 йилларнинг охирига келиб, Ричард Ҳаррис асосан иккинчи даражали ролларни ўйнай бошлайди. У кейинги ҳаётини тахминан шундай тасаввур қиларди: вақти-вақти билан кинода рол ўйнаш, лекин ҳаддан ташқари берилиб кетмаслик учун олдинги планда эмас, балки орқа планда чиқиш. Шу сабабли “Гарри Поттер” унинг режасига тўғри келмаган, чунки у бир вақтнинг ўзида бир нечта фильм учун шартнома имзолаши керак эди, шунинг учун Ричард буни рад этади. Лекин кейин унга такрорий таклиф келиб тушади — унинг гонорари оширилганди. Ричард яна рад этади — гонорар яна оширилади. Ҳаррис қачонгача рад этишгани номаълум, аммо 11 ёшли набираси Элла бундан хабар топгач, Ричардга бошқа танлов қолмайдиган гап айтади: “Бобо, агар Дамблдорни ўйнамасангиз, сиз билан бошқа гаплашмайман”. Бу гаплардан кейин Ричард ролга дарҳол рози бўлади.

Билл Мюррей режиссёрлар фамилиясини чалкаштириб юборган

Ака-ука Коэнлар “Фарго”, “Бу ерда қарияларга ўрин йўқ”, “Катта Лебовски”, “Темир чангак” ва бошқа бир қанча фильмларни суратга олган бўлиб, улар нафақат оддий томошабинлар, балки актёрлар томонидан ҳам севиб томоша қилинган. Кўпчилик ака-ука билан ишлашни хоҳларди, бир пайтлар Билл Мюррей Жоэл Коэн фильми устида ишлаяпман деб ўйлаган, лекин бундай эмаслигини жуда кеч тушуниб қолган. 2000 йилларнинг бошларида унга “Гарфилд” сценарийси юборилган, сценарий Жоэл Коэн томонидан ёзилганини кўрган заҳоти фильмга рози бўлган. Бироқ ҳамма билган одамга эмас. Машҳур режиссёр ва сценарий муаллифининг фамилияси Cоэн, “Гарфилд”нинг сценарий муаллифи эса Cоҳен. Билл Мюррей бу кичик тафсилотдан, ҳатто иккинчи Коэннинг борлигидан ҳам бехабар эди, шунинг учун ўйлаб-нетиб ўтирмай “Гарфилд”га рози бўлади. Бир оз вақт ўтгач, у малла мушукка овоз беришга келди, аммо диалогларни ўқиётганда довдираб қолади. Билл Коэннинг нега бундай ёзганига тушунмайди, мультфильмни кўргандан сўнг ҳафсаласи пир бўлади: “Бу ишни ким қилди, жин урсин? Коэн нимани ўйлаётганди?”. Шундан кейингина Мюррейга бу у ўйлаган Жоэл Коэн эмаслигини тушунтиришади.

Лиам Нисон серҳаракат сюжетдан чарчаган

“Гаров” фильмида Лиам Нисон собиқ махфий хизмат агенти ролини ўйнайди, унинг қизи номаълум босқинчилар томонидан ўғирланади, ота қизини қутқариш учун йўлга чиқади. Сюжетдан нусха кўчирилганига қарамай, фильм яна кассада муваффақиятга эришади. Бироқ Лиам бундан шунчалик чарчаган эдики, унга триквел ўйнашни таклиф қилишганда, гаровга олинган қизини қутқарадиган ота ролини ўйнамайман, деган шарт қўяди.

Карим Абдул-Жаббор гонорарига гилам олишни хоҳлаган

1978 йилда баскетболчи Карим Абдул-Жаббор биринчи фильмида Брюс Ли билан рол ўйнайди. Икки йилдан сўнг уни Лесли Нилсен билан “Аэроплан” пародия комедиясида кичик рол ўйнашга таклиф қилишади. Карим рози бўлади, лекин гонорарини 30 мингдан 35 мингга оширишни сўрайди. Маълум бўлишича, баскетболчи деворга осиб, санъат асари сифатида томоша қилиш учун сотиб олмоқчи бўлган шарқ гилами айнан шунча тураркан.

Брюс Уиллс гаровда ютқазган

2000 йилда Брюс Уиллис ва Меттю Перри “Тўққиз ярд” фильмида рол ўйнайди, аммо, Брюс фильм кассада муввафақиятсизликка учрашига ишончи комил эди. Метю эса аксинча, машҳур бўлишига ишониб, Уиллис билан гаров ўйнайди. Охир-оқибат “Тўққиз ярд” фильм бюджетидан 2,5 баробар кўп даромад олади ва Брюс ютқазади. Жазонинг бир тури сифатида у “Дўстлар” фильмида кичик рол ўйнаши керак эди. Бироқ бу умуман жазо эмасди, чунки Уиллис шу роли сабаб “Эмми” мукофотини қўлга киритади ва “Дўстлар”нинг унутилмас меҳмон юлдузларидан бирига айланади.