The Wall Street Journal (WSJ) нашрига кўра, АҚШ президенти Жо Байден жамоаси ва кўплаб Америка оммавий ахборот воситалари унинг соғлиғи ёмонлашгани ҳақида узоқ вақтдан бери сукут сақлаган.
Гарчи Жо Байденнинг ваколат муддати тугашига бир неча ҳафта қолган бўлса-да, унинг соғлиғи муҳокама мавзулардан бири бўлиб қолмоқда. Хавотирланиш учун сўнгги сабаб — демократ АҚШнинг собиқ президент Жимми Картернинг ўлими ҳақида баёнот берар экан, йўталиб олгани бўлган. Нашрнинг таъкидлашича, ўша куни Байден ҳорғин кўринган, тез-тез тутилиб, сўзларни нотўғри талаффуз қилган.
Янги Орлеандаги ҳужумлардан кейинги сўнгги чиқишида президент бир оз қувноқроқ кўринган.
WSJ нашрининг қайд этишича, Байден ваколати давомида ўз вазифаларини бажаришда бир неча бор қийинчиликларга дуч келган. Унинг жамоаси президентнинг соғлиғи ёмонлашгани сабабли юзага келадиган кундалик муаммоларни ҳал қилишга мажбур бўлган.
“Вазият шу қадар оғир эдики, Голливуд продюсери Жеффри Катзенбергга Байден учун нутқ терапевти топиш вазифаси қўйилди”, деб ёзади нашр.
2024 йил июнь ойида республикачи Дональд Трамп билан биринчи теледебатида Байден мағлубиятга учраган эди. Демократлар Байденни сайловдан воз кечишини талаб қилишган, демократ Камала Ҳаррис ҳам катта фарқ билан Трампга мағлуб бўлган.
Fox News’нинг узоқ йиллик консерватив шарҳловчиси Кал Томаснинг айтишича, журналистлар “йил давомида энг кўп мағлубиятга учраган”, чунки улар Байденнинг “ақлий таназзулини” узоқ вақт эътиборсиз қолдирган.
Либерал сиёсий стратеглар ҳозирда Байденнинг аҳволи ва бу тўғрисидаги маълумотларнинг сир сақланиши Оқ уй партиясининг йўқотилишига сабаб бўлганини муҳокама қилмоқда.
Аниқлaнишича, Байденнинг ўзи ҳали ҳам Трампни мағлуб эта олишига ишонади.
Изоҳ (0)