Мадриднинг “Реал” клубининг бразилиялик ҳужумчиси Винисиус Жуниор Испания Ла Лигасининг 12-турида “Валенсия”га қарши ўйинда қизил карточка олиб, майдондан четлатилди.
Mundo Deportivo’нинг хабарига кўра, футболчини катта эҳтимол билан тўрт ўйинга дисквалификация қилинади. Шундай бўлган тақдирда, Винисиус Испания Суперкубоги ярим финали доирасидаги “Мальорка”га қарши ўйинни ва “Барселона” ёки Бильбаонинг “Атлетик” клуби билан бўладиган эҳтимолий финални ҳам ўтказиб юбориши мумкин.
Маълум қилинишича, Испания чемпионати регламентига кўра, тўп учун курашга уринишларсиз агрессив хатти-ҳаракатлар қилгани учун футболчи 4 тадан 12 тагача ўйинга дисквалификация қилиниши мумкин.
Маълумот учун, “Реал” 19 ўйиндан сўнг 43 очко билан Ла Лига турнир жадвалида пешқадамлик қилмоқда.
Кеча, 3 январь куни бўлиб ўтган ўйинда “Реал” клуби аввалига 1:0 ҳисобида ортда бораётганди. “Валенсия” вакили Дуро 27-дақиқада ҳисобни очди. 85-дақиқада Модрич ҳисобни тенглаштирди. Беллингемнинг 90+5-дақиқада урган голи “қироллик клуби”нинг ғалабасини таъминлади.
Учрашувнинг 79-дақиқасида Винисиус майдондан четлатилди.
Изоҳ (0)