Қатарда FIFA томонидан ўтказилган тантанали маросимда The Best совринининг ҳар бир номинацияси бўйича ғолиблар номи кеча, 17 декабрь куни эълон қилинди. “Реал” футболчиси Винисиус FIFA талқинига кўра, ўтган мавсумнинг энг яхши ўйинчиси деб топилди.
Ушбу номинацияга Жуд Беллингем, Дани Карвахаль, Килиан Мбаппе, Федерико Вальверде (барчаси “Реал”), Эрлинг Ҳоланд, Родри (“Манчестер Сити”), Тони Кроос, Лионель Месси (“Интер Майами”), Флориан Вирц (“Байер”) ва Ламин Ямал (“Барселона”) ҳам даъвогарлик қилган эди.
Йилнинг энг яхши мураббийи — Карло Анчелотти (“Реал”)
Йилнинг энг яхши мураббийи соврини ҳам “Реал” клубига насиб қилди. Жамоанинг италиялик устози Карло Анчелотти “Арсенал”нинг собиқ устози Арсен Венгердан мукофотни қабул қилди.
Мукофотга номзодлар орасида Пеп Гвардиола (“Манчестер Сити”), Лионель Скалони (Аргентина миллий жамоаси), Луис де ла Фуэнте (Испания миллий жамоаси) ва Хаби Алонсо (“Байер”) ҳам бор эди.
Йилнинг энг яхши дарвозабони — Эмилиано Мартинес (, Аргентина)
“Астон Вилла” клубининг аргентиналик дарвозабони FIFA томонидан ўтган мавсумнинг энг яхши дарвозабони деб топилди.
Номзодлар қаторида Андрей Лунин (“Реал Мадрид”), Давид Рая (“Арсенал”), Эдерсон (“Манчестер Сити”) Жанлуижжи Доннарумма (“ПСЖ”) Майк Менян (“Милан”) Унаи Симон (“Атлетик”).
“Манчестер Юнайтед”нинг аргентиналик ярим ҳимоячиси томонидан 2023 йилнинг 26 ноябрь куни “Эвертон” дарвозасига акробатик усулда йўллаган супергол FIFA томонидан йил голи деб топилди ва футболчи Пушкаш мукофотини қўлга киритди.
FIFA талқинига кўра, ўтган мавсум рамзий жамоасидан қуйидаги футболчилар ўрин олди:
Дарвозабонлар: Эмилиано Мартинес
Ҳимоячилар: Дани Карвахаль, Антонио Рюдигер, Рубен Диаш, Вильям Салиба
Яримҳимоячилар: Родри, Жуд Беллингҳем, Тони Кроос, Ламин Ямал
Ҳужумчилар: Эрлинг Ҳоланд, Винисиус.
Ғолибларни аниқлашда уларнинг 2023 йилнинг 21 августидан 2024 йилнинг 10 августигача бўлган даврдаги ўйинлар натижаси инобатга олинди. Лауреатлар миллий жамоа сардорлари, мураббийлар, мухлислар ва ОАВ вакилларининг овоз бериш орқали аниқланган. Ўзбекистон номидан бош мураббий Сречко Катанес, жамоа сардори Элдор Шомуродов ва медиа вакили сифатида Даврон Файзиев ушбу сўровномада қатнашган.
Изоҳ (0)