Франциянинг Париж шаҳрида 2024 йилги “Олтин тўп” соҳибини тақдирлаш маросими бўлиб ўтди.
“Манчестер Сити” футболчиси Родри 2024 йилги “Олтин тўп” соҳибига айланди. Родри ўтган мавсумда “Манчестер Сити” билан биргаликда Англия чемпионлигини қўлга киритди, шунингдек, Испания термаси билан Евро ғолибига айланди ва ушбу турнирнинг энг яхши футболчиси совринини қўлга киритганди.
“Барселона” футболчиси Ламин Ямал энг яхши ёш футболчига бериладиган “Копа Трофи” совринини қўлга киритди. Пау Кубарси (“Барселона”), Арда Гюлер (“Реал”), Савио Морeйра (“Манчестер Сити”), Кобби Майну (“Манчестер Юнайтед”) кучли 5 ликдан жой олди.
Мадриднинг “Реал” жамоаси йилнинг энг яхши клуби деб топилди. Мадрид жамоасидан ташқари “Боруссия” Дортмунд, “Жирона”, “Байер” ва “Манчестер Сити” каби клубларнинг номзодлари қўйилган эди.
“Реал” бош мураббийи Карло Анчелотти йилнинг энг яхши мураббийи деб топилди. Бироқ мутахассиснинг ўзи ушбу маросимга ташриф буюрмаган.
Женифер Эрмосо эса Сократес номидаги соврин соҳибига айланди.
Аргентина терма жамоаси ва “Астон Вилла” дарвозабони Эмилиано Мартинес энг яхши дарвозабонга бериладиган Лев Яшин совринига эга чиқди. Голкипер кетма-кет иккинчи марта ушбу совринга эга чиқди.
Унаи Симон (“Атлетик”), Андрей Лунин (“Реал”), Майк Менян (“Милан”) ва Жанлуижи Доннарума (“ПСЖ”) кучли бешликни якунлаб берди.
“Бавария” ҳужумчиси Ҳарри Кейн ҳамда “Реал” аъзоси Килиан Мбаппега энг яхши тўпурарга бериладиган Герд Мюллер соврини насиб этди.
“Барселона” аъзоси Айтана Бонмати аёллар ўртасидаги “Олтин тўп”га лойиқ кўрилди.
“Олтин тўп” учун овоз бериш натижалари қуйидагича кўриниш олди:
30-29. Артём Довбик (“Жирона” / “Рома”)
30-29. Матс Ҳуммелс (“Боруссия” Дортмунд / “Рома”)
28. Алекс Грималдо (“Байер”)
27. Витиня (“ПСЖ”)
26. Деклан Райс (“Арсенал”)
25. Коул Палмер (“Челси”)
24. Уилям Салиба (“Арсенал”).
23. Рубен Диаш (“Манчестер Сити”)
22. Антонио Рюдигер (“Реал”)
21. Букайо Сака (“Арсенал”)
20. Ҳоқон Чалҳанўғлу (“Интер”)
19. Мартин Эдегор (“Арсенал”)
18. Эмилиано Мартинес (“Астон Вилла”)
17. Федерико Вальверде (“Реал”)
16. Гранит Жака (“Байер”)
15. Нико Уильямс (“Атлетик”)
14. Адемола Лукман (“Интер”)
13. Дани Ольмо (“Лейпциг“ / ”Барселона”)
12. Флориан Вирц (“Байер”)
11. Фил Фоден (“Манчестер Сити”)
10. Ҳарри Кейн (“Бавария”)
9. Тони Кроос (“Реал”, фаолиятини якунлаган)
8. Ламин Ямал (“Барселона”)
7. Лаутаро Мартинес (“Интер”)
6. Килиан Мбаппе (“ПСЖ” / “Реал”)
5. Эрлинг Ҳоланд (“Манчестер Сити”)
4. Дани Карвахаль (“Реал”)
3. Жуд Беллингем (“Реал”)
2. Винисиус Жуниор (“Реал”)
1. Родри (“Манчестер Сити”).
Изоҳ (1)
Nohaqlik boʻlibdi har doimgidek irqchilik