АҚШ дунёдаги энг йирик чип ишлаб чиқарувчилардан бири бўлган Intel корпорациясининг 10 фоизлик улушини сотиб олди ва назорат қилмоқда. Бу ҳақда АҚШ президенти Дональд Трамп ўзининг Truth Social ижтимоий тармоғидаги саҳифасида маълум қилди.
“АҚШ ҳозир янада ёрқинроқ келажак кутаётган ажойиб Америка кaмпания си Intelънинг 10 фоизига тўлиқ эгалик қилаётгани ва назорат қилаётгани ҳақида хабар бериш мен учун катта шараф”, дея ёзди Вашингтон маъмурияти раҳбари.
Трампнинг таъкидлашича, у Intel раҳбари Лип-Бу Тан билан “ушбу келишув бўйича музокара олиб борган”.
“АҚШ бу акциялар учун ҳеч қандай тўлов амалга оширмаган, уларнинг қиймати эса ҳозирда тахминан 11 миллиард долларни ташкил этади. Бу Америка учун ҳам, Intel учун ҳам ажойиб келишув. Intel шуғулланадиган илғор ярим ўтказгичлар ва чиплар ишлаб чиқариш мамлакатимиз келажаги учун ҳал қилувчи аҳамиятга эга”, дея таъкидлаган АҚШ президенти.
Трамп 7 август куни Лип-Бу Танни истеъфога чиқишга чақириб, унинг “жиддий манфаатлар тўқнашуви ҳолатида” эканини айтган, бироқ тафсилотларни келтирмаган. Америка ОАВ маълумотларига кўра, Трампнинг бу чақириғи АҚШ Конгресси Сенатининг разведка бўйича махсус қўмитаси раиси, республикачи сенатор Том Коттон Intel раҳбариятига йўллаган мактубида кaмпания фаолияти хавфсизлиги ва Лип-Бу Таннинг Хитой билан гўёки мавжуд алоқалари ҳақида хавотир билдирганидан сўнг янграган.
11 август куни Америка етакчиси Truth Social’да Intel бош директори билан “жуда қизиқарли учрашув” ўтказганини ёзганди.
Изоҳ (0)