Япония пойтахти Токио шаҳрида Андрес Инеста шарафига “Барселона” ва “Реал Мадрид” афсоналари ўртасида учрашув ўтказилди.
31-дақиқада Хавьер Савиола ҳисобни очган бўлса, 69-дақиқада Хавьер Балбоа ҳисобни тенглаштирди.
Ўйинга қўшиб берилган дақиқаларда эса “Реал” афсонаси Фернандо Санс Инестанинг узатмасидан ўз дарвозасига тўп киритиб қўйди. Шундай қилиб, учрашув 2:1 ҳисобида каталонияликлар ғалабаси билан якунланди.
Ўйин бошланишидан олдин “Реал Мадрид” вакиллари 40 ёшли Инестага ҳурмат белгиси сифатида унинг исми ёзилган клуб футболкасини совға қилди.
Мазкур баҳсни стадиондан туриб 45 725 нафар мухлис кузатиб борди.
Изоҳ (0)