Футбол бўйича Испания Ла Лигасининг 32-турида «Реал» 21 апрель, чоршанба куни «Кадис» майдонида меҳмон бўлди.
Учрашув Мадрид клубининг 3:0 ҳисобидаги йирик ғалабаси билан якунланди. Эътиборлиси, барча голлар биринчи бўлимда урилди. 30-дақиқада Карим Бензема 11 метрлик жарима зарбасини голга айлантирди. Орадан 3 дақиқа ўтар-ўтмас Альваро Одриосола орадаги фарқни оширишга муваффақ бўлди. 40-дақиқада эса Карим дублни расмийлаштирган ҳолда ўйинга якуний нуқтани қўйди.
Ушбу ғалабадан кейин очколари сони 70 тага етган «Реал» мусобақа жадвалида пешқадамлик қилмоқда. 2-ўриндаги «Атлетико»нинг ҳисобида ҳам худди шунча очко бор. «Барселона» эса 3-поғонадаги «Севилья»дан 2 очкога ортда қолмоқда, жамоа 2 та захира ўйинига эга.
Ла Лига
32-тур баҳслари
21 апрель, чоршанба
«Кадис» – «Реал Мадрид» 0:3
Голлар: 0:1 – 30, пенальти Бензема, 0:2 – 33 Одриосола, 0:3 – 40 Бензема.«Кадис»: Ледесма, Фали Хименес, Эспино (Алехо, 65), Карселен (Акапо, 46), Маркос Мауро, Искердо, Хосе Мари (Кала, 46), Ёнссон, Салви Санчес (Лосано, 46), Негредо (Шапонич, 46), Собрино.
«Реал Мадрид»: Куртуа, Одриосола (Иско, 61), Начо, Варан (Карвахаль, 61), Марсело (Мигел Гутеррес, 74), Родриго, Антонио Бланко, Винисиус Жуниор (Асенсио, 61), Каземиро, Милитао, Бензема (Мариано Диас, 74).
Огоҳлантиришлар: Салви Санчес (8), Варан (22), Карселен (29), Ёнссон (41), Начо (46), Марсело (68), Акапо (90).
Изоҳ (0)