Ла Лига. “Реал” қолдирилган тур ўйинида “Валенсия” устидан ишончли ғалабани қўлга киритди 

Футбол бўйича Испания Ла Лигасининг қолдирилган 17-турида “Реал” 2 февраль, пайшанба куни “Валенсия” билан баҳс олиб борди.

Учрашувнинг биринчи бўлимида дарвозалар ишғол этилмади. Иккинчи бўлимда мадридликлар 2 та гол уришга муваффақ бўлди. Дастлаб, 52-дақиқада Марко Асенсио, ундан сўнг 54-дақиқада Винисиус Жуниор ўз ҳисобига гол ёздириб қўйди. 72-дақиқада эса “кўршапалаклар” футболчиси Габриэль қизил карточка олиб, майдонни тарк этди. 

Шу тариқа Карло Анчелотти шогирдлари очколари сонини 45 тага етказди.

Ла Лига

17-тур баҳси

2 февраль, пайшанба

“Реал” – “Валенсия” 2:0

Голлар: 1:0 – 52 Асенсио, 2:0 – 54 Винисиус Жуниор.
“Реал Мадрид”: Куртуа, Начо, Рюдигер, Милитао (Карвахаль, 36), Камавинга, Модрич (Вальверде, 66), Кроос (Тчуамени, 66), Себальос, Бензема (Родриго, 60), Асенсио, Винисиус Жуниор.

“Валенсия”: Мамардашвили, Фулке, Габриэль Паулиста, Диакаби, Гайя, Гилямон, Алмейда (Мориба, 70), Муса (Жемерт, 75), Кастилехо (Маркос Андре, 58), Кавани (Франсиско Перес, 75), Лино (Тони Лато, 70).

Огоҳлантиришлар: Начо (33), Бензема (45), Диакаби (60), Асенсио (62).

Четлатиш: Габриэль Паулиста (72).