Ла Лига. “Реал” ўз майдонида “Валенсия”ни тор-мор этди

Футбол бўйича Испания Ла Лигасининг 13-турида “Реал” 11 ноябрь, шанба куни “Валенсия”га қарши баҳс олиб борди. 

Учрашув мадридликларнинг 5:1 ҳисобидаги ғалабаси билан якунланди. “Қаймоқранглилар” сафида Дани Карвахаль битта гол урган бўлса, Родриго ва Винисиус Жуниор икки мартадан рақиб дарвозасини ишғол қилди. “Кўршапалаклар” таркибида Ҳюго Дуро ягона гол муаллифига айланди.

“Реал” ушбу ғалабадан сўнг очколари сонини 32 тага етказди ва мусобақа жадвалида 2-ўринда бормоқда.

Ла Лига

13-тур баҳси

11 ноябрь, шанба

“Реал Мадрид” – “Валенсия” 5:1

Голлар: 1:0 – 3 Карвахаль, 2:0 – 42 Винисиус Жуниор, 3:0 – 49 Винисиус Жуниор, 4:0 – 50 Родриго, 5:0 – 84 Родриго, 5:1 – 88 Дуро.

“Реал Мадрид”: Лунин, Карвахаль (Пас, 82), Алаба, Начо, Менди (Фран Гарсия, 71), Вальверде (Модрич, 60), Браим Диас (Васкес, 71), Кроос, Камавинга, Винисиус Жуниор (Хоселу, 82), Родриго.

“Валенсия”: Мамардашвили, Терри Коррейя (Фулке, 55), Габриэль Паулиста, Москера, Гайя (Гасоровски, 55), Канос (Гилямон, 64), Пепелу (Яремчук, 70), Франсиско Перес (Уго Гонсалес, 70), Герра, Дуро, Диего Лопес.

Огоҳлантиришлар: Пепелу (34), Фулке (56), Камавинга (62), Габриэль Паулиста (67).