АПЛ. Манчестер дербиси, Антонио Конте бошчилигидаги «Тоттенҳэм» лигадаги биринчи ўйинини ўтказади, «Ливерпуль» «Вест Ҳэм» меҳмони бўлади
«Манчестер Юнайтед» — «Манчестер Сити», 6 ноябрь, 17:30
«Манчестер Юнайтед» АПЛда 15 очко билан 5-ўринда бормоқда. Оле-Гуннар Сульшер шогирдлари 10-турда «Тоттенҳэм» билан баҳс олиб борди ва 3:0 ҳисобида ғалаба қозонди. Бу эса норвегиялик мутахассиснинг жамоада қолишини таъминлади. «Шпорлар»га қарши ўйинга қадар манкунианликлар АПЛдаги кетма-кет 4 та ўйинда ғалаба қозона олмаганди.
«Манчестер Сити» эса 20 очко билан 3-ўринни эгаллаб турибди. Пеп Гвардиола жамоаси 10-турда «Кристал Пэлас»га (0:2) мағлуб бўлди. «Шаҳарликлар» Чемпионлар Лигасида ҳам плей-офф йўлланмасини деярли ҳал қилди.
Манчестер дербисидаги охирги беш ўйинда «Манчестер Юнайтед» 3 марта, «Манчестер Сити» 1 маротаба ғалаба қозонган. Битта ўйин дуранг натижа билан якунланган.
Қолган учрашувлар:
6 ноябрь, шанба
«Брентфорд» — «Норвич», 20:00
«Челси» — «Бёрнли», 20:00
«Кристал Пэлас» — «Вулверҳэмптон», 20:00
«Брайтон» — «Ньюкасл», 22:30
7 ноябрь
«Арсенал» — «Уотфорд», 19:00
«Эвертон» — «Тоттенҳэм», 19:00
«Лидс» — «Лестер», 19:00
«Вест Ҳэм» — «Ливерпуль», 21:30
Ла Лига. «Барселона» «Сельта»га қарши, «Реал» кичик Мадрид дербисида иштирок этади, «Валенсия» ўз уйида «Атлетико»ни қабул қилади
«Сельта» — «Барселона», 6 ноябрь, 20:15
Охирги йилларда Виго жамоаси ўртамиёна жамоадан юқорироқ натижалар кўрсатишга уринмоқда. Ўтган мавсумда «Сельта» чемпионатни 8-ўринда якунлади. Ушбу мавсумда эса ишлар унчалик юришмаяпти. 11 очко билан 15-ўринда бораётган жамоа юқорироқ ўринларга чиқишга ҳаракат қилади. Каталонияликларга қарши ўйин «Сельта» учун доим муҳим аҳамият касб этган.
«Барселона» ушбу мавсумда ноодатий вазиятга тушиб қолди. Клуб бир чуқурликка тушиб кетди ва ундан ҳеч қанақасига чиқишнинг иложи йўқдек туюлмоқда. Аввалига Лионель Месси жамоани тарк этди, кейин Агуэро, Дембеле, Брэйтуэйт каби футболчиларнинг жароҳатланиши жамоа учун кутилмаган бўлди. Ундан ташқари бош мураббий Рональд Куман манзилига жуда кўп танқидлар ёғила бошлади. Раҳбарият уни истеъфога чиқаришдан бошқа йўл топа олмади. Унинг ўрнига вақтинчалик мураббий этиб тайинланган Серхи Бархуан қўл остида каталонияликлар охирги турда «Алавес» билан 1:1 ҳисобида дуранг қайд этди.
Жамоаларнинг охирги 5 ўйинида икки марта «Барселона», икки марта «Сельта» ғалаба қозонган. Битта ўйинда дуранг натижа қайд этилган.
«Реал» — «Райо Вальекано», 6 ноябрь, 20:15
«Реал» мавсум аввалида Ла Лига етакчиси эди. Аммо октябрь ойида бир нечта омадсиз учрашув сабаб иккинчи ўринга тушиб қолди. Энди «Реал Сосьедад» биринчи ўринда. Фақатгина бир очко фарқ билан ортда бораётган «Реал» етакчилик учун курашни давом эттиради. «Қаймоқранглилар» параллел равишда Чемпионлар Лигасида ҳам курашмоқда ва охирги 2 турда Донецкнинг «Шахтёр»ини икки марта мағлуб этди, чемпионатда эса «Элче» устидан кичик ҳисобда ғалабага эришди. Карим Бензема ва Винисиус яхши формада, улар деярли ҳар ўйинда гол уриб келмоқда.
«Райо Вальекано» эса ушбу мавсумда жуда кўп «сюрприз»лар тақдим этяпти. Жамоа Ла Лиганинг 6-ўрнига чиқиб олди. Ортда қолган 12 турда мадридликлар 6 та ғалаба қайд этди ва 18 та гол урди. Ҳозирча уларнинг энг улкан натижаси «Барселона» устидан 1:0 ҳисобидаги сенсацион ғалаба бўлиб турибди.
Қолган учрашувлар:
6 ноябрь, шанба
«Эспаньол» — «Гранада», 18:00
«Алавес» — «Леванте», 22:30
7 ноябрь, якшанба
«Вильярреал» — «Хетафе», 18:00
«Валенсия» — «Атлетико Мадрид», 20:15
«Мальорка» — «Элче», 22:30
«Осасуна» — «Реал Сосьедад», 22:30
«Бетис» — «Севилья», 01:00
А Серия. Милан дербиси, «Наполи» «Верона»ни синовдан ўтказади, «Ювентус» Туринда «Фиорентина»ни қабул қилади
«Милан» — «Интер», 7 ноябрь, 00:45
«Милан» Италия чемпионати «Наполи» билан бирга етакчилик қилмоқда. Ҳар иккала жамоада ҳам 11 турдан сўнг 31 очко мавжуд. Стефано Пиоли шогирдлари ҳозирча чемпионатда мағлубиятга учрагани йўқ. 11 та ўйиндан 10 тасида ғалаба қозонди ва битта дуранг натижа қайд этди. А Серияда ишлари яхши кетаётган «россонерилар» Чемпионлар Лигасида омадсизликка учраяпти. «Қизил-қоралар» ўз гуруҳида охирги ўринни эгаллаб турибди.
«Интер» эса етакчиларни ўзидан узоқлаштириб юбормасликка интилмоқда. Биринчи ва иккинчи ўриндаги жамоалардан 7 очко кам жамғарган «нераззурилар» охирги вақтларда мухлисларни хурсанд қила оляпти. «Удинезе» ва «Эмполи»ни бир хил: 2:0 ҳисобида енгди, «Ювентус» билан 1:1 ҳисобида дуранг натижа қайд этди, ундан ташқари Чемпионлар Лигасида «Шерифф»ни 3:1 ҳисобида таслим этди. «Интер» бир неча йил деганда ЕЧЛ плей-офф босқичига чиқиш имконига эга бўлмоқда.
Қолган учрашувлар:
6 ноябрь, шанба
«Специя» — «Торино», 19:00
«Ювентус» — «Фиорентина», 22:00
«Кальяри» — «Аталанта», 00:45
7 ноябрь, якшанба
«Венеция» — «Рома», 16:30
«Сампдория» — «Болонья», 19:00
«Удинезе» — «Сассуоло», 19:00
«Лацио» — «Салернитана», 22:00
«Наполи» — «Верона», 22:00
Бундеслига. «Лейпциг» ўз уйида «Боруссия Д»ни қабул қилади, «Бавария» «Фрайбург»ни чиғириқдан ўтказади
«Бавария» — «Фрайбург», 6 ноябрь, 19:30
Бундеслигада Юлиан Нагелманн шогирдларининг ишлари у даражада яхши эмас, шундай бўлса-да мюнхенликлар 10 турдан сўнг 25 очко билан чемпионатда етакчилик қилмоқда. Ундан кейинги ўринда турган «Боруссия Д» ҳисобида эса 24 очко мавжуд.
Ўтган турда «Бавария» «Унион Берлин»ни 5:2 ҳисобида таслим этди ва аввалроқ Германия Кубогида «Боруссия М»га 0:5 ҳисобида мағлуб бўлгани оз бўлса-да унутилди. Чемпионлар Лигасида эса мюнхенликлар E гуруҳида етакчилик қилмоқда. 4 та ўйиннинг барчасида ғалаба қозонган немислар плей-офф йўлланмасини муддатидан аввал ҳал қилди.
«Фрайбург» 22 очко билан мусобақа жадвалининг 3-ўринидан жой олган. Ҳозирча жамоа чемпионатда мағлубият нималигини билгани йўқ. 10 та ўйиннинг 6 тасида ғалаба қозонган бўлса, 4 таси дуранг натижа билан якунланган. Ундан ташқари «Фрайбург» сўнгги бор меҳмонда ўтган мавсум охирида мағлуб бўлган эди. Ушбу мавсумда эса меҳмонда 3 та ғалаба ва 2 та дуранг натижа қайд этган.
Қолган учрашувлар:
6 ноябрь, шанба
«Бохум» — «Ҳоффенҳайм», 19:30
«Штутгарт» — «Арминия», 19:30
«Вольфсбург» — «Аугсбург», 19:30
«Лейпциг» — «Боруссия Д», 22:30
7 ноябрь, якшанба
«Ҳерта» — «Байер», 19:30
«Кёльн» — «Унион Берлин», 21:30
«Гройтер» — «Айнтрахт», 23:30
Лига 1. «ПСЖ» «Бордо»га қарши, «Ницца» «Монпелье» билан кураш олиб боради
«Бордо» — «ПСЖ», 6 ноябрь, 01:00
«Бордо» ўзининг буюк тарихини тиклашга уринмоқда. Шу мақсадда Владимир Петкович бош мураббий сифатида олиб келинган. Лекин ҳозирча жамоа кутилган натижаларни оқламаяпти. Бордо жамоаси Франция чемпионатида 12 очко билан 16-ўринда бормоқда.
«ПСЖ» ёзда жуда кўп юлдузларни жамоага таклиф қилганидан сўнг, табиийки, улардан барча мусобақаларда ғалаба қозониш талаб этилади. Чемпионлар Лигасида ишлари яхши кетаётган парижликлар Лига 1 да 31 очко билан мусобақа етакчиси бўлиб турибди. Париж юлдузи бўлиб турган Лионель Месси Франция чемпионатида бирорта голли вазиятда иштирок этгани йўқ. Жароҳат туфайли аргентиналик футболчининг «Бордо»га қарши учрашувда иштирок этмайди.
Қолган учрашувлар:
6 ноябрь, шанба
«Лилль» — «Анжер», 21:00
7 ноябрь, якшанба
«Марсель» — «Мец», 17:00
«Лорян» — «Брест», 19:00
«Нант» — «Страсбур», 19:00
«Реймс» — «Монако», 19:00
«Сент-Этен» — «Клермон», 19:00
«Ницца» — «Монпелье», 21:00
«Ренн» — «Лион», 00:45
Маъруфжон Очилов тайёрлади
Изоҳ (0)