Мадриднинг “Реал” клуби футболчилари Испаниядаги сув тошқинлари оқибатида жабрланганларга ёрдам берди.
Октябрь ойининг охирида Испаниянинг жануби-шарқига совуқ ҳаво оқими “Дана” тўфонини ва кучли ёмғирларни олиб келди, бу эса кучли сув тошқинларига сабаб бўлди. Ҳодиса оқибатида ҳалок бўлганлар сони 200 дан ошгани айтилмоқда. Мадрид клуби сув тошқинида жабрланганлар учун 1 миллион евро хайрия қилгани хабар қилинганди.
Cadena SER нашрининг маълум қилишича, “Реал” футболчилари ҳам ёрдам қўлини чўзган. Улар бу ҳақида оммага ошкор этишни истамаган.
Қайд этилишича, Винисиус Жуниор ушбу ғояни илгари сурган ва қолган футболчилар уни қўллаб-қувватлаган.
Изоҳ (0)