Мадриднинг “Реал” клуби 2025 йилнинг ёзги трансфер ойнасида “Ливерпуль”нинг икки футболчисини эркин агент сифатида таркибга қўшиб олишни режалаштирмоқда. Бу ҳақда Испаниянинг Дефенса Central нашри хабар бермоқда.
Манбага кўра, “қироллик клуби” “Ливерпуль” сардори Виржил ван Дейк ва Трент Александер-Арнольд билан келишувга эришиш мақсадида январь ойидаёқ музокаралар ўтказишни режалаштирган. Маълум бўлишича, ҳар икки футболчининг инглиз клуби билан шартномани узайтиришда қийинчиликлар бор, шу боис “Реал” юлдуз футболчиларни бепул қўлга киритиш учун фаол ҳаракат қилиш ниятида.
Эслатиб ўтамиз, Ван Дейк ва Александер-Арнольднинг “Ливерпуль” билан амалдаги шартномаси 2025 йил ёзига қадар мўлжалланган. 1 январдан бошлаб улар хориждаги клублар билан музокаралар ўтказиш ҳуқуқига эга бўлади.
Жорий мавсумда 33 ёшли нидерландиялик ҳимоячи клуб сафида барча турнирларда 22 та ўйинда майдонга тушиб, 2 та гол ва 1 та голли узатма амалга оширди. 26 ёшли инглиз футболчиси эса 21 ўйинда қатнашиб, 5 та голли узатма берди.
Аввалроқ “Реал Мадрид” “Пачука”ни мағлуб этиб, Қитъалараро кубогида чемпион бўлгани хабар қилинганди.
Изоҳ (0)