Ла Лига. “Реал Мадрид” ўз уйида “Реал Сосьедад”ни мағлуб этолмади, “Атлетико”да ғалаба

Футбол бўйича Испания Ла Лигасининг 19-туридан ўрин олган қатор учрашувлар 29 январь, якшанба куни бўлиб ўтди.

“Реал” ўз майдонида “Реал Сосьедад”ни қабул қилди. Учрашувнинг биринчи бўлими майдон эгаларининг устунлигида ўтди, бироқ танаффусга қадар ҳисоб очилмади. Иккинчи бўлимда ҳар икки жамоа вакилларида қатор имконият юзага келди, аммо дарвозалар дахлсизлиги сақлаб қолинди.

“Реал” 42 очко билан иккинчи ўринда кетмоқда ва пешқадам “Барселона” билан ўртадаги фарқ 5 очкога етди. Сан-Себастьян клуби эса 39 очко билан учинчи поғонадан жой олган.

“Атлетико” сафарда “Осасуна”га қарши баҳс юритди ва Сауль Нигеснинг ягона голи эвазига ғалабани қўлга киритди.

19-тур ўйинларидан кейин мусобақа жадвали қуйидаги кўринишни олди:

Ла Лига

19-тур баҳслари

29 январь, якшанба

“Реал Мадрид” – “Реал Сосьедад” 0:0

“Реал Мадрид”: Куртуа, Начо, Рюдигер, Милитао, Камавинга, Кроос, Себальос (Асенсио, 77), Вальверде (Модрич, 77), Бензема, Винисиус Жуниор, Родриго.

“Реал Сосьедад”: Ремиро, Элустондо (Оласагасти, 66), Ле Норман, Субелдия, Мунёс (Рико, 46), Илярраменди, Мендес (Наварро, 55), Субименди, Кубо, Сёрлот (Фернандес, 84), Ойарсабаль (Марин, 55).

Огоҳлантиришлар: Субименди (27), Начо (41), Элустондо (65), Кубо (68), Ремиро (90+4).

“Осасуна” – “Атлетико” 0:1

Гол: 0:1 – 74 Сауль.

“Осасуна”: Фернандес, Морено (Кике Гарсия, 78), Аридане, Давид Гарсия, Санчес, Мойсес Гомес, Торро, Ибаньес (Брашанац, 60), Рубен Гарсия (Монкайола, 60), Чими Авила (Будимир, 60), Эз Абде (Барха, 78).

“Атлетико”: Облак, Молина, Хименес, Эрмосо, Рейнилду, Де Пол (Витцель, 87), Лемар (Карраско, 46), Коке (Кондогбиа, 87), Барриос (Сауль, 65), Гризманн, Корреа (Мората, 65).

Огоҳлантиришлар: Брашанац (70).

“Сельта” – “Атлетик” 1:0

Гол: 1:0 – 71 Аспас.

“Вальядолид” – “Валенсия” 1:0

Гол: 1:0 – 90 Ларин.