Неймарнинг отаси, унинг ўғли 2013 йилда “Сантос”дан “Барселона”га ўтишидан олдин, “Реал Мадрид” унга катта таклиф билан чиққанини маълум қилди. Бироқ у “Барселона”ни танлаган.
“Барселона”га ўтиш тўлиқ Неймарнинг қарори эди. Менда “Барселона” ва “Реал”дан таклифлар бор эди. “Реал” таклифи “Барса”никидан уч баравар кўпроқ эди. Лекин у рад этди, чунки у “Барселона”да Месси ва бошқа футболчилар билан ўйнашни хоҳлади. Унинг орзуси “Барселона”да тўп суриш эди”, деди Неймарнинг отаси YouTube”даги Jota Jota подкастида.
Маълумот учун, Бразилиялик футболчи 2013-2017 йиллар оралиғида “Барселона”да фаолият юритган. Бу давр мобайнида у барча турнирларда 186 ўйинда иштирок этган, 105 гол урган ва 76 та голли узатмани амалга оширган.
Аввалроқ “Ал-Ҳилол” футболчиси жамоадошларига 2025 йилнинг ёзида Американинг “Интер Майами” клубига ўтишини маълум қилгани хабар қилинганди.
Изоҳ (0)