Мадриднинг “Реал” клуби собиқ скаути Маноло Ромеро жамоанинг ҳозирги ва аввалги ҳужум чизиғини таққослади.
“Тўғрисини айтсам, Родриго Гоэз жуда беқарор ўйин кўрсатмоқда. У ўз ўрнини мустаҳкамлаб ололмаган. У “Манчестер Сити”га қарши ўтказган сеҳрли дақиқалари билан яшаяпти, лекин бу “Реал”. Бу бошқа даража. Агар ҳозирги таркибда Гарет Бэйл, Криштиану Роналду ва Карим Бензема бўлганида, Винисиус ва Родриго захира ўриндиғида ўтирган бўларди.
Уларнинг даражасига яқинлаша оладиган ягона футболчи бу — Килиан Мбаппе, у ҳам ўзининг энг яхши ҳолатида бўлса”, деди Ромеро Sport.es нашрига берган интервьюсида.
Маълумот учун, 18 турдан сўнг Мадриднинг “Реал” клуби 40 очко тўплаб, Ла Лига турнир жадвалида иккинчи ўринда бормоқда. Кейинги турда Карло Анчелотти шогирдлари “Валенсия” билан учрашади.
27 декабрь куни Globe Soccer Awards-2024 тақдирлаш маросими бўлиб ўтди.
Унда “Реал Мадрид” ҳужумчиси Винисиус Жуниор йилнинг энг яхши футболчиси деб топилди. Анчелотти эса энг яхши мураббий мукофотини қабул қилиб олди.
Изоҳ (0)