Футбол бўйича Испания Ла Лигасининг 35-турида «Реал» ва «Севилья» жамоалари 9 май, якшанба куни ўзаро тўқнаш келди.
Учрашувнинг 22-дақиқасида Фернандо Режес меҳмонларни олдинга олиб чиқди. 67-дақиқада Марко Асенсио мувозанатни тиклади. 78-дақиқада учрашув ҳаками видеотакрорлардан кейин мадридликлар дарвозаси томон пенальти белгилади. Уни Иван Ракитич голга айлантирди.
Ҳакам томонидан қўшиб берилган вақтда майдон эгалари ҳисобни тенглаштиришга эришди: Тони Крооснинг зарбасидан кейин тўп Эден Азар тегиб ўз йўналишини ўзгартирди ҳамда дарвозадан жой олди.
Шу тариқа 9 май кунги ўйинлардан кейин Ла Лига мусобақа жадвали қуйидаги кўринишни олди:
Ла Лига
35-тур баҳслари
9 май, якшанба
«Реал Мадрид» — «Севилья» 2:2
Голлар: 0:1 – 22 Фернандо, 1:1 – 67 Асенсио, 1:2 – 78, пенальти Ракитич, 2:2 – 90+4 Азар.«Реал Мадрид»: Куртуа, Одриосола, Марсело (Мигел Гутеррес, 66), Милитао, Начо, Кроос, Каземиро, Вальверде, Модрич (Асенсио, 66), Винисиус Жуниор (Азар, 79), Бензема.
«Севилья»: Буну, Навас, Диего Карлос, Кунде, Акуня, Гомес (ан-Несири, 56), Жордан (Гудел, 84), Окампос (де Йонг, 88), Фернандо, Сусо (Оскар Родригес, 83), Ракитич (Оливер Торрес, 88).
Огоҳлантиришлар: Каземиро (21), Сусо (56), Гудел (85).
Изоҳ (0)