Бугун, 28 октябрь куни Парижда “Олтин тўп”ни топшириш маросими бўлиб ўтади.
Тадбир олдидан “Олтин тўп”нинг ижтимоий тармоқдаги расмий аккаунтида бу йил совринни ким қўлга киритишига шама қилган кўринади. Видеода Дидье Дрогба “Олтин тўп” мукофотини Ресеб номи билан танилган блогер Иран Феррейрага топширмоқда. Блогер Бразилия терма жамоаси либосида бўлган.
Ушбу постдан сўнг, мухлислар “Реал Мадрид” ҳужумчиси Винисиус Жуниор барча футболчилар орзуси ҳисобланган ушбу мукофотни қўлга киритишига янада ишонч ҳосил қилганини шарҳларда ёзиб қолдирган.
Маълумот учун, ўтган мавсумда Винисиус “Реал Мадрид” таркибида Ла Лига ва Чемпионлар Лигасида ғолиб бўлган.
Изоҳ (0)