ЕЧЛнинг 6-туридан ўрин олган “Аталанта” – “Реал Мадрид” учрашуви (2:3)дан сўнг Карло Анчелотти ўз фикрлари билан ўртоқлашди.
Италиялик мураббийи Мбаппенинг жароҳати ҳақида гапирар экан, бунга ортиқча зўриқиш, соннинг орқа қисмидаги ноқулайлик сабаб бўлганини айтди.
“Бу жиддий эмасга ўхшайди, эртага кўрамиз. У югура олмади, жароҳат уни безовта қилди”, дейди у.
Анчелотти, шунингдек, қозонилган ғалаба ва келгуси ўйинлар ҳақида ҳам гапирди.
“Бу — жуда муҳим ғалаба, бу ерда ҳамма ҳам ютолмайди. Биз чидадик ва курашдик. Чемпионлар Лигасида сабрли бўлиш керак. Рақиб кучли прессинг қилди, лекин биз иккинчи бўлимни яхши бошладик. Жуда хурсандмиз. Бу ғалаба фақат очколар учунгина эмас.
Кучли саккизликка кириш қийин, аммо очко олишимиз учун яна икки ўйин бор”, дейда Карло.
Изоҳ (0)