Футбол бўйича Испания Ла Лигасининг 4-туридан ўрин олган бир қатор учрашувлар 12 сентябрь, якшанба куни бўлиб ўтди.
«Реал» ўз уйида «Сельта»ни қабул қилди. Аввалига меҳмонлар Санти Минанинг тезкор голи эвазига олдинга ўтиб олди. 24-дақиқада Карим Бензема вазиятни тенглаштирган бўлса, орадан кўп ўтмайди виголиклар иккинчи голни урди.
Иккинчи бўлим дебютида Бензема яна ҳисобни тенглаштирди. 54-дақиқада Каримнинг узатмасидан кейин Винисиус Жуниор Мадрид клубининг учинчи голини урди. 72-дақиқада Эдуардо Камавинга ўзининг дебют ўйинида «Реал» сафидаги илк голини урди. Учрашув якунланиши арафасида Бензема пенальтини аниқ ижро этиб, якуний ҳисобни ўрнатди — 5:2.
«Атлетико» Каталонияда «Эспаньол» меҳмони бўлди. Майдон эгалари биринчи бўлим якунида ҳисобни очди. Бунга Диего Симеоне шогирдлари 79-дақиқада Янник-Феррейра Каррасконинг голи билан жавоб қайтарди. Ҳаммаси дуранг томони кетаётган пайтда Тома Лемар ҳакам томонидан қўшиб берилган вақтда «Атлетико»нинг ғалаба голини урди.
4-турдан кейин «Реал», «Валенсия» ва «Атлетико» 10 очко билан мусобақада етакчилик қилмоқда.
Топ-5 лигалар онлайн жадваллари, ўйинлар тақвими, тўпурарлар рўйхати — кўриш.
Ла Лига
4-тур баҳслари
12 сентябрь, якшанба
«Реал Мадрид» — «Сельта» 5:2
Голлар: 0:1 – 4 Санти Мина, 1:1 – 24 Бензема, 1:2 – 31 Серви, 2:2 – 46 Бензема, 3:2 – 54 Винисиус, 4:2 – 72 Камавинга, 5:2 – 87, пенальти Бензема.«Реал Мадрид»: Куртуа, Карвахаль, Начо, Милитао, Мигел Гутеррес (Марсело, 89), Вальверде, Модрич (Асенсио, 79), Каземиро, Бензема, Азар (Камавинга, 66), Винисиус Жуниор (Родриго, 89).
«Сельта»: Дитуро, Мало, Араухо, Мурильо (Айду, 89), Галан, Денис Суарес, Тапия (Бельтран, 46), Мендес (Солари, 52), Серви (Нолито, 63), Аспас, Санти Мина (Гальярдо, 63).
Огоҳлантиришлар: Начо (32), Мурильо (43), Винисиус Жуниор (55), Араухо (63), Солари (63).
«Эспаньол» — «Атлетико» 1:2
Голлар: 1:0 – 40 де Томас, 1:1 – 79 Карраско, 1:2 – 90+9 Лемар.«Эспаньол»: Диего Лопес, Хил, Кабрера, Калеро (Рекасенс, 46), Педроса, Алеиш Видаль (Меламед, 75), Дардер, Морланес (Морон, 58), Мелендо (Баре, 58), де Томас (Димата, 83), Эмбарба.
«Атлетико»: Облак, Триппьер (Лемар, 46), Савич, Фелипе, Эрмосо (Кондогбиа, 46), Карраско, Коке, Льоренте, Суарес (Матеус Куня, 71), Гризманн (Жоау Феликс, 58), Корреа (Лоди, 46).
Огоҳлантиришлар: Эрмосо (31), Кондогбиа (82).
Изоҳ (0)