Футбол бўйича Испания чемпионати 23-тур доирасида «Реал Мадрид» ва «Валенсия» жамоалари 14 февраль, якшанба куни ўзаро тўқнаш келди.
Учрашувда Зинедин Зиден шогирдлари катта устунликка эга бўлди ва бу ҳисобда ҳам ўз аксини топди. Карим Бензема жамоасини олдинга олиб чиқди. Биринчи бўлим якунланишига 3 дақиқа қолганида Тони Кроос «Валенсия» дарвозасига иккинчи голни урди.
Иккинчи бўлим ҳам «Реал» устунлигида ўтди, «кўршапалаклар» ўйин якунига бориб босимни кучайтирди. Бироқ танаффусдан кейин дарвозалар ишғол этилмади.
Мазкур ғалабадан кейин «Реал» очколарини 49 тага етказиб олган ҳолда иккинчи ўринга қайтди. «Қаймоқранглилар» иккита захира ўйинига эга «Атлетико»дан 5 очко ортда қолмоқда, битта ўйин кам ўтказган «Барселона»дан эса уч очко олдинда. «Валенсия» 24 очко билан 12-ўринни банд қилиб турибди.
Ла Лига
23-тур баҳслари
14 февраль, якшанба
«Реал Мадрид» — «Валенсия» 2:0
Голлар: 1:0 – 12 Бензема, 2:0 – 42 Кроос.«Реал Мадрид»: Куртуа, Начо, Варан, Карвахаль (Васкес, 28), Менди, Модрич (Иско, 79), Каземиро, Асенсио (Аррибас, 71), Кроос, Винисиус Жуниор, Бензема (Мариано Диас, 79).
«Валенсия»: Доменек, Габриэль Паулиста, Гайя, Ферру, Васс (Ли Кан Ин, 64), Солер (Олива, 64), Рачич, Вальехо (Гамейро, 46), Гедеш (Муса, 46), Тьерри Коррейя, Макси Гомес (Кутроне, 83).
Огоҳлантиришлар: Гедеш (27), Рачич (44), Тьерри Коррейя (46).
«Хетафе» — «Реал Сосьедад» 0:1
Гол: 0:1 – 30 Исак.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)