Мадриднинг “Реал” клуби кийим алмаштириш хонасида ҳужумчи Килиан Мбаппенинг айрим ҳаракатларидан норозилар пайдо бўлган, дея хабар бермоқда Relevo.
Манбанинг ёзишича, бунга франциялик футболчининг ҳимояда етарлича ҳаракат қилмаётгани сабаб бўлмоқда. “Барселона”га қарши баҳсда Килиан атиги 8 километр югурган. Футболчилар ушбу номутаносибликка эътибор қаратган ва уни қандай ўзгартиришни муҳокама қилган.
Шу сабабдан бошқа футболчилар ҳимояда кўпроқ ишлашига тўғри келган. Асосий “қурбон” эса Жуд Беллингем эди. Инглиз футболчиси энди аввалгидан кўра кўпроқ югуришига тўғри келмоқда. Жамоадагилар Килианнинг ўзига кўпроқ танқидий қарашини ва ҳимоячилар билан ишлаш ҳам муҳимлигини тушунишини истайди.
Мураббийлар штаби эса муаммони ҳал қилиш бўйича иш олиб бормоқда. Улардан бири Мбаппе ва Винисиус Жуниор ўртасидаги ҳимоя функцияларини алмаштириш. Бунда бразилиялик биринчи бўлиб, дарвозабон ва марказий ҳимоячиларга босим ўтказади, француз эса ўнг қанот ҳимоясини ёпади.
Мбаппе жорий мавсум Ла Лигада 10 та ўйинда майдонга тушиб, 6 та гол ва битта голли узатмага муаллифлик қилди.
Изоҳ (0)