УЕФА матбуот хизмати Чемпионлар Лигаси умумий босқичининг 3-тури якунларига кўра ҳафтанинг энг яхши футболчиси совринига номзодларни эълон қилди.
Ушбу эътирофга тўрт нафар футболчи номзод бўлди. Булар “Реал Мадрид” ҳужумчиси Винисиус Жуниор, “Монако” ярим ҳимоячиси Такуми Минамино, “Барселона” вингери Рафинья ва “Милан” ярим ҳимоячиси Теяни Рейндерс.
Эслатиб ўтамиз, Винисиус Дортмунднинг “Боруссия”си билан ўйинда (5:2), Рафинья “Бавария”га (4:1) қарши ўйинда хет-трикка эришди. Минамино дубль ва ассист қайд этган бўлса, Рейндерс "Брюгге" билан ўйинда (3:1) 2 та тўп киритди.
Чемпионлар Лигасининг янги формати қуйидагича: саккизта тур якунларига кўра, 36 та клубдан иборат жадвал тузилади. Жадвалнинг дастлабки 8 жамоаси тўғридан тўғри нимчорак финалга йўл олади. 9—24-ўрингача бўлган клублар 1/8 финалга чиқиш ҳуқуқи учун плей-офф ўйинларини ўтказади.
Изоҳ (0)