“Реал Мадрид”нинг англиялик ярим ҳимоячиси Жуд Беллингем Испания чемпионатида 72 аввал ўрнатилган тарихий натижани такрорлади. Бу ҳақда Мистер Чип Х (собиқ Twitter) ижтимоий тармоғида хабар берди.
Манбага кўра, Ла Лиганинг кетма-кет олти учрашувида гол урган Беллингем “қироллик клуби”нинг собиқ ярим ҳимоячиси Роке Олсендан кейин ҳужумчи бўлмаган ҳолда бундай серияни қайд этган биринчи футболчи бўлди.
Ла Лиганинг 17-турида “Раё Валекано” дарвозасига гол урган футболчи (3:3) аввалроқ “Жирона”, “Атлетик”, “Хетафе”, “Леганес” ва “Осасуна” дарвозаларини ишғол қилганди.
Маълумот учун, жорий мавсумда Жуд клуб сафида барча мусобақаларда 19 та ўйинда майдонга тушиб, 7 та гол ва тўртта голли узатмани амалга оширган.
FIFPro томонидан тузилган рамзий жамоага “Реал” клубидан 6 футболчи киритилди. Улар орасида англиялик футболчи ҳам бор.
“Олтин тўп” учун сўровномада Беллингем учинчи ўринни эгаллаган эди. Ушбу мукофотга Родри эга чиқди. Жуднинг жамоадоши Винисиус иккинчи бўлди.
Изоҳ (0)