Винисиус Жуниор Класико пайтида ирқчиликни қоралади.
Аввалроқ “Барселона”нинг “Реал” дарвозасига киритган учинчи голидан сўнг, баъзи томошабинлар Ламин Ямални “лаънати қора танли” деб ҳақоратлагани маълум бўлганди. Шунингдек, Алехандро Балде, Ансу Фати ва Рафинья Диас ҳам мухлислар томонидан ҳақоратланган.
“Кеча “Бернабеу”да ирқчилик билан боғлиқ воқеа содир бўлгани жуда афсусланарли. Бу жиноятчиларга жамиятимизда жой йўқ.
Мен Ламин, Ансу ва Рафиньяни тўлиқ қўллаб-қувватлайман. Биламан, “Мадрид” ва полиция айбдорларни аниқлаш ва жазолаш учун ҳамма нарсани қилади!” деб ёзди “Реал” футболчиси ижтимоий тармоқдаги саҳифасида.
Маълумот учун, “Реал” билан бўлган ўйинда меҳмонлар 4:0 ҳисобида ғалаба қозонди.
Изоҳ (0)