“Реал Мадрид” раҳбарияти уй стадиони бўлмиш “Сантяго Бернабеу” номини ўзгартиришга қарор қилди.
Marca нашрининг ёзишича, Мадрид уй аренасининг номи соддалаштирилади: “Сантяго”сиз, фақат “Бернабеу”. Қайд этилишича, стадион номининг ўзгартирилишига тижорат мақсадлар сабаб бўлган.
Маълумот учун, “Реал Мадрид” Испания Чемпионати турнир жадвалида италиялик мутахассис Карло Анчелотти бошчилигида 18-турдан сўнг 40 очкога эга. “Атлетико Мадрид” 41 очко билан жадвалда пешқадамлик қилмоқда.
Навбатдаги ўйинда “қироллик клуби” “Валенсия”га қарши ўйнайди. Ушбу ўйин 3 январь, жума куни бўлиб ўтади.
Изоҳ (0)