Франциялик собиқ футболчи Николя Анелка “Реал Мадрид” ҳужумчиси Килиан Мбаппе ҳақида фикр билдирди.
Жумладан, футболчи ҳамюрти дуч келаётган муаммолар ҳақида гапирган.
“Мбаппе жиддий босимга дуч келди. Ўйлашимча, унда руҳий томондан муаммолар мавжуд. Килиан ишлашда давом этиши ва сабрли бўлиши зарур. Клуб унга ишонч билдирди, орадан эса ҳали ярим йил ҳам ўтмади”, дейди Анелка.
Николя ўз сўзида Мбаппега қараб 25 йил аввалги ўзини кўргандек бўлишини айтди.
“Мен яқиндагина ЕЧЛни ютган “Реал”га келгандим. Клуб президенти бу трансферни жуда истаган, лекин жамоада менга жой топилмасди. Менда ҳам худди шундай муаммолар бўлган, фарқимиз — мен ўшанда 20 ёшда эдим. Бу каби ҳолатларда сабрли бўлиш муҳим. Мен ўзимни кутишмаган кийиниш хонасига бориб қўшилгандим. Мавсум давомида эҳҳе нималар бўлиб ўтмаган. Натижада мен кетишга қарор қилганман. Килианнинг характери бошқача. У сабрли бўлишга, кутишга рози бўлиши мумкин”, дея қўшимча қилган француз.
Маълумот учун, Анелка 1999—2000 йилларда “қироллик клуби” сафида фаолият олиб борган.
Изоҳ (0)