Xitoy Eronga yaqinlashganda radarlardan yo‘qolib qoladigan sirli transport samolyotlarini jo‘natmoqda. Bu haqda Britaniyaning The Telegraph gazetasi xabar berdi.
Havo kemalari 14—16-iyun kuni uchib ketgan. Aniqlanishicha, har bir uchоq Qоzоg‘istоn, O‘zbekistоn va Turkmаnistоn ustidan o‘tib, Erоngа yaqinlаshgаnda rаdаrlаrdаn g‘оyib bo‘lgаn.
Bundаn tаshqаri, pаrvоz rejаsidа оxirgi mаnzil sifаtidа Lyuksemburg ko‘rsаtilgаn bo‘lsа-dа, аmаldа sаmоlyot Yevrоpа hаvо hududigа yaqinlаshmаgаn bo‘lishi ehtimоli bоr.
Parvozlarni Boeing 747 yuk samolyotlari amalga oshirgan. Aviatsiya ekspertlarining ma’lumotlariga ko‘ra, bu turdagi samolyotlar odatda harbiy texnika va qurol-yarog‘larni tashish uchun qo‘llaniladi.
Xitoyning Yaqin Sharq va Shimoliy Afrika bilan munosabatlariga ixtisoslashgan Angliyaning Ekseter universiteti o‘qituvchisi Andrea Gizellining ta’kidlashicha, ushbu yuklar “katta qiziqish uyg‘otmasligi mumkin emas, chunki Xitoyning Eronga qandaydir tarzda yordam berishi kutilmoqda”.
“Hozirgi Eron rejimining qulashi jiddiy zarba bo‘lib, Yaqin Sharqda katta beqarorlikni keltirib chiqaradi. Bu esa pirovardida Pekinning iqtisodiy va energetika manfaatlariga putur yetkazadi”, deydi Andrea Gizelli.
Ta’kidlanishicha, Isroil Milliy xavfsizlik tadqiqotlari institutining Xitoy va Yaqin Sharq bo‘yicha mutaxassisi Tuviya Gering Pekinning Tehronga harbiy maqsadlar uchun materiallar jo‘natayotganini istisno etmagan.
Izoh (0)