Shavkat Mirziyoyev 17-iyun kuni amaliy tashrif bilan Qozog‘istonga jo‘nab ketdi.
Davlat rahbari Qozog‘iston prezidenti Qasim-Jomart To‘qayevning taklifiga binoan “Markaziy Osiyo – Xitoy” ikkinchi sammitida ishtirok etadi.
Prezident matbuot xizmatining xabar qilishicha, bo‘lajak tadbirda ko‘p tomonlama hamkorlikni yanada rivojlantirishga doir, shuningdek, mintaqaviy va xalqaro ahamiyatga molik dolzarb masalalar ko‘rib chiqiladi.
Siyosiy, savdo-iqtisodiy va madaniy-gumanitar sohalardagi ko‘p tomonlama hamkorlikni yanada rivojlantirish masalalari ko‘rib chiqiladi, mintaqaviy va xalqaro ahamiyatga molik dolzarb masalalar yuzasidan fikr almashiladi. Yakunda qo‘shma hujjatlar qabul qilinishi ko‘zda tutilgan.
Shavkat Mirziyoyev Xitoy raisi bilan ham muzokara o‘tkazadi.
Bu formatdagi birinchi sammit Markaziy Osiyo davlatlari va Xitoy o‘rtasidagi sheriklik munosabatlarini mustahkamlash va amaliy hamkorlikni kengaytirish maqsadida 2023-yil may oyida Xitoyning Sian shahrida bo‘lib o‘tgan edi.
Izoh (0)