O‘zbekistonda tug‘ilgan koreys aktyori: “Biz barchamiz o‘likmiz” seriali yulduzi Pak Solomon haqida nimalar ma’lum?

Janubiy Koreyaning 2022-yilgi mashhur “Biz barchamiz o‘likmiz” dromasidagi kelishgan yigit — yosh yulduz Pak Solomon haqida eshitganmisiz? U allaqachon ko‘plab tomoshabinlar qalbidan joy olishga muvaffaq bo‘lgan.

O‘zbekiston va Rossiya

Pak Solomon 1999-yil 11-noyabrda O‘zbekistonda tug‘ilgan. Uning oilasi etnik koreys. Ularning aytishicha, Solomonning oilasi Rossiyada ham bir muncha vaqt yashagan, ammo qancha vaqtligi noma’lum.

Bolakay 12 yoshida oilasi bilan Janubiy Koreyaga ko‘chib ketgan. U yerda maktabni tamomlab, koreys madaniyati va taʼlimini o‘rgangan.

Solomon suhbatlaridan birida shunday deb eslaydi: “Ha, men O‘zbekistonda tug‘ilganman. Mening oilam koreys, men ham koreysman. Ammo Koreyada o‘zimni hech qachon ko‘p millatli muhitning bir qismidek his qilmaganman”.

Aktyor koreys va rus tillarida erkin gaplashadi. Intervyularda va ijtimoiy tarmoqlarda rus tilini yaxshi bilishini namoyish etgan. Ko‘pchilik aktorning sehrli ovoz sohibi ekanini ta’kidlaydi, ayniqsa, u rus tilida gapirganda.

Aktyorning ismi qanday ma’noga ega?

Pak Solomon ismi oilaviy tarix va ota-onasining umidlari bilan bog‘liq. Otasi uni dono va fikrlovchi inson bo‘lishini istagan.

“Otam Muqaddas kitobni o‘qib, dono yashashimni istab, menga bu ismni tanlagan ekan. Ismimga munosib bo‘lishga bor kuchim bilan harakat qilaman. Donolik bilan yashashga intilyapman”.

Muqaddas kitobda Sulaymon o‘zining donoligi va murakkab qarorlar qabul qila olish qobiliyati bilan tanilgan Isroil podshosi sifatida tasvirlangan. Ehtimol, Solomonning otasi o‘g‘li ham shunday fazilatlarni o‘zlashtirishi va sog‘lom fikr hamda ezgu niyatlar bilan yashashga intilishini umid qilgandir.

Ismning sahnadagi obrazi uchun Lomon tarzida moslashtirilishi uni xalqaro tomoshabinlar uchun yanada esda qolarli qildi.

Karyerasi

Pak Solomon ancha vaqtgacha pop-ijrochi bo‘lishni xohlaydi. Uning baland bo‘yi (183 sm) va yorqin tashqi ko‘rinishi bu orzuni amalga oshirish uchun juda yaxshi imkoniyatlar yaratardi. Ammo ota-onasi bilan o‘ylab ko‘rganidan so‘ng, u o‘zi uchun kutilmagan qarorni qabul qiladi: aktyorlik mahorati kurslariga yoziladi. Keyinchalik Solomon bir necha bor aytganidek, bu uning hayotidagi eng yaxshi qarorlardan biri bo‘lgan.

Pak Solomon ilk marta ekranda 2014-yilda “Asr kelini” va “Afsonaviy jodugar” kabi doramalarda rollari bilan ko‘rinish beradi. Ammo aktyorlikka haqiqiy qiziqishi 2017-yilda “Qo‘riqchi” seriali chiqqandan keyin paydo bo‘ladi. Uning o‘rta maktab qotili sifatidagi roli jiddiy sinov bo‘lib, Solomonning o‘zi bu loyihani karyerasidagi muhim yutuq deb hisoblaydi va ijodkorlarga berilgan imkoniyat uchun minnatdorlik bildiradi.

Olamshumul mashhurlik

Solomon Netflixning “Biz barchamiz o‘likmiz” zombi-doramasida Li Su Xyok rolini ijro etadi — loyiha butun dunyo bo‘ylab mashhur bo‘ladi. Syujet zombi-apokalipsisi paytida o‘z maktabida tuzoqqa tushib qolgan bir guruh o‘quvchilar atrofida qurilgan bo‘lib, Li Su Xyok tezda tomoshabinlarning eng sevimli qahramonlaridan biriga aylanadi. Uning sovuqqonligi, jasorati va yaxshiligi uni shunday qahramonga aylantiradi.

Serial efirga uzatilgach, Lomonning mashhurligi keskin oshadi. Bir hafta ichida uning Instagram akkaunti 2 million obunachiga ko‘payadi. Bu uning faqat bitta loyiha aktyori emasligini isbotlaydi — uning xarizmasi Janubiy Koreyadan tashqarida ham tomoshabinlarning qalbini zabt etadi. Lomon uchun bu shunchaki muvaffaqiyat emas, balki jahon sahnasida haqiqiy e’tirof edi.

Yangi doramalar

“Brending Sonsu-don” (24 qism, har biri 26 daqiqa)

Ushbu romantik triller markazida — marketing bo‘limining jahldor rahbari Kang Na Yon va stajyor So In Xo o‘rtasidagi qarama-qarshilik turadi.

So In Xo (Lomon) — katta stajyor, jozibali va YOLO (bir marta yashaymiz) prinsipiga asoslanib yashaydigan yosh yigit. Kutilmaganda u o‘z o‘rnini topib, agentlikda stajirovka boshlaydi va rahbari bo‘lgan qiz bilan doim to‘qnash keladi.

Kang Na Yon (Kim Ji In) — yosh marketing afsonasi, o‘zining mehnatsevarligi va muvaffaqiyatlari bilan tanilgan. Karyerasi uchun u shaxsiy hayoti va munosabatlarini ham qurbon qiloladi.

“Oilaviy reja” (6 qism, har biri 50 daqiqa)

“Oilaviy reja” — bu oddiy oilaviy dorama emas. U o‘ziga xos qobiliyatlarga ega bo‘lgan bir guruh odamlar haqida, ular birlashib, o‘zlarini bir oila qilib ko‘rsatishadi. Ularning missiyasi — jiddiy xavf tug‘diradigan jinoyatchilardan o‘zlarini himoya qilish. Pak Solomon 17 yoshli, mehribon va samimiy yigit rolini ijro etadi.

Pak Solomon haqida qiziqarli faktlar

• Pak Solomon intervyularda o‘zini “O‘zbekistondan kelgan Lomon” deb tanishtiradi. U o‘ziga xos hayot yo‘li bilan yosh aktyorlar orasida ajralib turadi.
• Aktyorlik karyerasidan tashqari, Lomon — afsonaviy erkaklar pop-guruhi BIGBANGning sadoqatli fanati. 2016-yilda u hatto maxsus Makao (Xitoy)ga borib, ularning konsertida ishtirok etgan.
• “Biz barchamiz o‘likmiz” serialining suratga olish jarayoni aktyor uchun hissiy jihatdan juda og‘ir bo‘lgan. Bir sahna uni shunchalik ta‘sirlantiradiki, u ko‘z yoshlarini to‘xta olmaydi.
• Lomon muxlislarining aytishlaricha, uning mehnatsevarligi, maqsadga intilishi va doimiy rivojlanishga bo‘lgan istagi koreys kinosida uzoq va muvaffaqiyatli karyera qurish uchun mustahkam asos bo‘ladi.